Breaking News
पशुपतिनाथ मन्दिर पोखरामा सिग्देल

पोखरा । पशुपतिनाथ मन्दिर पोखराको तेह्रौ साधारण सभा तथा पाचौ अधिवेशन बुधवार पोखरामा सम्पन्न भएको छ । अधिवेशनले दामोदर सिग्देलको अध्यक्षतामा एघार सदस्यीय कार्यसमिति समेत चयन गरेको छ ।

समितिको उपाध्यक्षमा विसिना लम्साल, सचिवमा कृष्ण हरि सिग्देल, सह-सचिवमा देवका कुमारी पौडेल, कोषाध्यक्षमा नवराज बास्ताेला, सदस्यहरुमा पुष्प राज सिग्देल, खेमराज पौडेल, दिपा पाठक, अप्सरा मल्ल, राधादेवी पौडेल, बालकृष्ण बराल त्यसैगरी संस्थाको सल्लाहकारमा देवीप्रसाद चालिसे, विरेन्द्र नारायण बिजुक्छे, रामचन्द्र पौडेल, सुयश श्रेष्ठ, ईश्वरी सुवेदी चयन भएको निर्वाचन समिति संयोजक डा. श्रीकान्त शर्मा खतिवडाले जानकारी गराउनु भयो।

मन्दिर व्यवस्थापन समितिका अध्यक्ष श्रीराम बरालको अध्यक्षता तथा धार्मिक तथा समाजसेवी व्यक्तित्व युक्त प्रसाद श्रेष्ठकाे प्रमुख आतिथ्यतामा सम्पन्न कार्यक्रममा उपाध्यक्ष दामोदर सिग्देलले स्वागत मन्तब्य तथा सचिव गाेविन्द बराल ज्युले कार्यक्रम संचालन गर्नु भएको थियो । कार्यक्रममा प्रमुख अतिथि धार्मिक तथा समाजसेवी व्यक्तित्व युक्तप्रसाद श्रेष्ठले आफ्नो मन्तव्य राख्दै सनातन हिन्दु धर्म तथा मठमन्दिर माथि अहिले विभिन्न कोणबाट आक्रमण हुन थालेकोले यसलाई जोगाउन सनातन धर्मालम्बिहरु एकजुट भएर अगाडि बढ्नुपर्ने बताउनुभयो।

कार्यक्रममा अध्यक्ष, सचिव, कोषाध्यक्ष तथा लेखासमितिको प्रतिवेदन माथि छलफल गरि सर्वसहमतिमा पारित समेत गरिएको थियो।

बाग्लुङ समाज पोखराद्वारा ४८ युनिट रगत संकलन

पोखरा । ‘रक्तदान जिवनदान, महादान’ भन्ने मुलमन्त्रका साथ बाग्लुङ समाज पोखराले सृजनाचोकमा आयोजना गरेको खुल्ला रक्तदान कार्यक्रममा ४८ युनिट रगत संकलन भएको छ ।

कार्यक्रममा पोखरा महानगरपालिका वडा नं ८ का वडा अध्यक्ष रुद्रप्रसाद बरालले रक्तदान एउटा पुण्य कर्म रहेको बताउनुभयो ।
उहाँले रगतको अभावका कारण जनताले अकालमा मृत्युवरण गर्न नपरोस् भन्दै वडास्तरबाट यस्ता कामको मुल्याङ्कन भइरहेको बताउनुभयो । 

संस्थाका अध्यक्ष ठाकुर प्रसाद सापकोटाले आपतविपतमा रगतको अभाव नहोस् भन्ने हेतुले समय समयमा यस्ता रक्तदान कार्यक्रम सँगै समाजले अन्य सामाजिक कार्यहरु पनि गर्दै आएको जानकारी गराउनुभयो । बाग्लुङ जिल्लामा स्थायी बसोबास भई विभिन्न पेशा व्यवसायमा संलग्न रहेका बाग्लुङेहरुको साझा संस्थाको रुपमा रहेको सो समाज २०५७ सालमा स्थापना भइ सामाजीक कार्यमा पनि अगाडि भढिरहेको र उक्त संस्थामा हाल करिब ९ सय सदस्य रहेको कार्यक्रम संयोजक नरेश सुवेदीले बताउनुभयो ।

ग्लोबल आइएमई बैंकद्वारा कोहलपुरमा विधुतीय शवदाह गृह निर्माणलाई २० लाख सहयोग

ग्लोबल आइएमई बैंक लिमिटेडले कोहलपुर नगरपालिकामा विधुतीय शवदाह गृह निर्माणका लागि २० लाख सहयोग गरेको छ ।

ग्लोबल आइएमई बैंकको लुम्बिनी प्रदेश प्रमुख शान्ता सिवाकोटीले कोहलपुर नगरपालिकाका कार्यवाहक नगर प्रमुख संगिता सुवेदीलाई एक समारोहका बिच उक्त सहयोग हस्तान्तरण गर्नुभयो ।

कोहलपुर नगरपालिका र आसपासका नागरिकका लागि सरल, सहज तथा कम खर्चिलोमा विधुतीय शवदाह गर्नका लागि कोहलपुर नगरपालिका वडा नं. ११ स्थित डुडुवा खोला र रोहिणी खोलाको संगमस्थलमा विधुतीय शवदाह गृह निर्माणको काम सुरु भईरहेको कार्यवाहक नगर प्रमुख सुवेदीले बताउनुभयो ।

साथै, बैंकका लुम्बिनी प्रदेश प्रमुख शान्ता सिवाकोटीले बैंकको यस सहयोगले वातावरणीय असर कम हुने विश्वास बैंकले लिएको जानकारी दिनुभयो ।

बैंकले आफ्नो संस्थागत सामाजीक उत्तरदायित्वअन्तर्गत विभिन्न परियोजनाहरु छनौट गरी काम गरीरहेको छ ।

ग्लोबल आइएमई बैंक ग्लोबल फाइनान्सको बेष्ट बैंक अवार्ड २०२४ तथा युरो मनी अर्वाड फर एक्सलेन्स २०२४ अन्तर्गतका दुई विधाबाट नेपालको सर्वश्रेष्ठ बैंकको रुपमा सम्मानित बैंक होे । साथै, ग्लोबल आइएमई बैंक विभिन्न राष्ट्रिय तथा अन्तर्राष्ट्रिय संघ–संस्थाहरुबाट फरकफरक विधामा सम्मानित भएको छ ।

उद्योग वाणिज्य महासङ्घमा लघु घरेलु साना एवं मझौला उद्यम विकास केन्द्र स्थापना

नेपाल उद्योग वाणिज्य महासङ्घका अध्यक्ष चन्द्रप्रसाद ढकालले निर्यात व्यापार बढाउने रणनीतिमा थप सहकार्यका लागि सरकार तथा सरोकारवालाहरुलाई आग्रह गर्नु भएको छ ।
अति कम विकसित मुलुकको सूचीबाट विकासशीलमा स्तरोन्नति हुने समय नजिकिँदै गर्दा बाह्य बजारसँग प्रतिस्पर्धी हुन थप तयारी आवश्यक भएको तर्फ अध्यक्ष ढकालले ध्यानाकर्षण गराउनु भएको हो ।
महासंघले सोमवार आयोजना गरेको अन्तर्क्रियामा अध्यक्ष ढकालले स्वदेशमै माग घटेका बेला विदेशी बजारमा प्रतिस्पर्धा गर्नु पर्ने चुनौती नजिक आइरहेको बताउनु भयो । नवप्रवर्तन तथा सूचना प्रविधिको उपयोग मार्फत प्रतिस्पर्धी क्षमता बढाउनुको विकल्प नरहेको पनि अध्यक्ष ढकालको भनाइ थियो । स्तरोन्नतिबाट फाइदा लिन राष्ट्रिय योजना आयोगले तयार गरेको रणनीतिलाई व्यवसायीहरूको सुझाव अनुसार थप परिमार्जन गर्नुपर्ने अवस्था रहेको पनि अध्यक्ष ढकालले उल्लेख गर्नुभयो ।
अध्यक्ष ढकालले लघु घरेलु साना एवं मझौला उद्यमले पुँजी र प्रविधिका आधारमा पनि प्रतिस्पर्धी क्षमता कम हुने भएकाले यस्ता उद्यमीलाई थप सहयोगको जरुरी रहेको पनि उल्लेख गर्नुभयो ।
लघु घरेलु साना एवं मझौला उद्यमीलाई आइपर्ने चुनौतीको सामना गर्न सघाउने उद्धेश्यले महासङ्घमै लघु घरेलु साना एवं मझौला उद्यम विकास केन्द्र स्थापना समेत गरेको छ ।
सो केन्द्रको आजै अध्यक्ष ढकाल सहित राष्ट्रिय योजना आयोगका सचिव मधुकुमार मरासिनी र उद्योग वाणिज्य तथा आपूर्ति सचिव कृष्णबहादुर राउतले उद्घाटन गर्नु भयो ।
सो केन्द्रले नीतिगत व्यवस्थाहरू, प्रक्रियागत सहजता तथा क्षमता अभिवृद्धि र बजार विस्तारमा उद्यमीहरूलाई सहयोग पुर्‍याउने लक्ष्य लिएको छ ।

लायन्स क्लब अफ पोखरा कोरिया रिटर्नीद्वारा बृहत रक्तदान कार्यक्रम सम्पन्न

पोखरा । लायन्स इन्टरनेसनल डिस्ट्रिक्ट ३२५ i नेपाल अन्तर्गतको लायन्स क्लब अफ पोखरा कोरिया रिटर्नीले शनिबार पोखराको व्यस्त सहर बिरौटा चोकमा बृहत रक्तदान कार्यक्रम सम्पन्न गरेको छ। देशभर रगतको अभाव भइरहेको अवस्थामा उक्त क्लबले रक्तदान कार्यक्रमको आयोजना गरेको हो । उक्त रक्तदान कार्यक्रममा २१६ युनिट रगत जम्मा भएको जानकारी संस्थाका सक्रिय सदस्य प्रेमराज अधिकारीले गराउनुभएको छ ।

कार्यक्रममा प्रमुख अतिथि ३२५ i का डिस्ट्रिक्ट गभर्नर बिनोद ढुंगाना, विशेष अतिथि, अतिथि लगायत स्थानीयहरूको उपस्थिति रहेको थियो। क्लबका अध्यक्ष ईश्वर बहादुर के.सी.को अध्यक्षतामा सम्पन्न कार्यक्रमको संयोजन क्लबका सल्लाहकार कमल क्षेत्री ज्यूले गर्नुभएको थियो ।

क्लबका प्रथम उपाध्यक्ष प्रसन्न पौडेलले स्वागत मन्तव्य राख्नुभएको कार्यक्रममा संस्थाका सचिव अर्जुनप्रसाद पौडेल तथा संस्थाका सक्रिय सदस्य एवं पेज सञ्चालक प्रेमराज अधिकारीले कार्यक्रमको सञ्चालन गर्नुभएको थियो ।

बागलुङ समाज पोखरा बचत तथा ऋण सहकारी संस्था लिमिटेडको बाह्रौँ साधरणसभा सम्पन्न 

पोखरा । बागलुङ समाज पोखरा बचत तथा ऋण सहकारी संस्थाको बाह्रौँ साधारणसभा शनिवार  एक कार्यक्रमका बिच पोखरामा सम्पन्न भएको छ । 

संस्थाका अध्यक्ष जयराम आचार्यको अध्यक्षता तथा संस्थाका संस्थापक अध्यक्ष अमृतलाल श्रेष्ठको प्रमुख आतिथ्यतामा सम्पन्न कार्यक्रममा संस्थाका सदस्य तथा शिक्षा उप-समिति संयोजक मेघराज शर्माले स्वागत मन्तब्य तथा सचिव महेन्द्र ढकालले कार्यक्रम संचालन गर्नुभएको थियो। 

कार्यक्रममा बोल्दै  प्रमुख अतिथि श्रेष्ठले अहिले बजारमा सहकारीप्रति जुन रुपमा हल्ला फैलिएको छ तेस्तो हाल्लालाई चिर्नको लागि पनि बागलुङ समाज पोखरा बचत तथा ऋण सहकारी संस्था स्वस्छ रुपमा अगाडी बढ्न सकोस भन्दै शुभकामना थियो। संचालक समिति अध्यक्ष जयराम आचार्यले संस्थाको सम्पूर्ण गतिविधिबारे प्रकाश पार्दै बजारमा जसरी सहकारीहरु जोखिममा रहेको गुनासोहरु सुनिएको छ, त्यस्तो हल्लाको पछाडि नलागिकन  बागलुङ समाज पोखरा बचत तथा ऋण सहकारीमा निर्धक्क भै बचत गर्न सम्पूर्ण शेयर सदस्य तथा बचत कर्ताहरुलाई आग्रह गर्नुभएको थियो ।

संस्थाका निवर्तमान अध्यक्ष तथा वर्तमान सल्लाहकार बिष्णुकुमार श्रेष्ठले सम्पूर्ण शेयर सदस्यहरुलाई संस्थाप्रतिको उत्तरदायित्व बोध गराउनुभएको थियो । कार्यक्रममा संस्थाका कानुनी सल्लाहकार डा.भानुभक्त शर्मा कंडेल, बागलुङ समाज पोखराका अध्यक्ष तथा संस्थाका सल्लाहकार ठाकुर प्रसाद सापकोटा लगायतले आ-आफ्नो शुभकामना मन्तब्य समेत राख्नुभएको थियो । कार्यक्रममा अध्यक्ष, सचिव, कोषाध्यक्ष तथा लेखासमितिको प्रतिवेदन माथि छलफल गरि सर्वसहमतिमा पारित गरिएको थियो ।

पाथीभरा केबलकारको शिलान्यास, १५ महिनाभित्र निर्माण सम्पन्न हुने

ताप्लेजुङमा रहेको प्रसिद्ध धार्मिक तीर्थस्थल पाथीभरा मन्दिरसम्म पुग्ने केवलकार निर्माणको शुक्रबार शिलान्यास गरिएको छ ।

संविधानसभा सदस्य डम्बरध्वज तुम्बाहाम्फे र फुङलिङ नगरपालिकाका नगरप्रमुख अमिर मादेनले केबलकार निर्माणको सुरुवाती बिन्दु काफ्लेपाटीमा पूजा गर्दै संयुक्त रूपमा शिलान्यास गरेका हुन् ।

राजनीतिक दलका प्रतिनिधिहरू तथा जिल्लावासीको उल्लेख्य उपस्थितिमा पाथीभरा देविको जय–जयकारसहित केबलकार निर्माणको शिलान्यास गरिएको निर्माण कम्पनी हिमालय कन्स्ट्रक्सनका प्रमुख इन्द्र केदेमले जानकारी दिए ।

‘जिल्लाका सबै राजनीतिक दलका प्रतिनिधिहरू, माननीयज्यू, मेयर ज्यूसहित जनप्रतिनिधिहरू तथा स्थानीयहरूको उल्लेख उपस्थितिमा केबलकार निर्माणको शिलान्यास गरेका छौं । अब काम द्रुत गतिमा हुन्छ,’ निर्माण कम्पनीका सञ्चालक केदेमले भने ।

पाथीभरा केवलकार कुनै एउटा कम्पनीको मात्र नभएर यो समग्र ताप्लेजुङ जिल्लाको आर्थिक, सामाजिक र सांस्कृतिक विकाससँग जोडिएको, र ताप्लेजुङ तथा समग्रमा कोशी प्रदेशकै आर्थिक समृद्धिको कोशीढुङ्गा बन्ने बताउँदै केवलकार निर्माणकार्य द्रुत स्तरमा अगाडि बढाउन सबै पक्षले सहयोग गर्नुपर्ने मेयर मादेनले बताए ।

यस अघि केबलकार निर्माण हुने क्षेत्रमा रहेका रूखहरू हटाइएको र शुक्रबार केबलकार निर्माणको औपचारिक शिलान्यास भएको केबलकार कम्पनी सञ्चालक समिति सदस्य रुद्र पौडेलले बताए ।

पौडेलले अबको १५ महिना भित्र केबलकार चड्न पाइने जानकारी दिए ।

उनका अनुसार पर्यटन प्रवर्द्धन, रोजगारी सिर्जना, वातावरणीय सन्तुलन र आर्थिक तथा सामाजिक विकासका लागि केबलकार लाभदायक बन्नेछ ।

जल्पादेवी महिला उद्धार समुहको अध्यक्षमा दुर्गा अधिकारी

पोखरा I जल्पादेवी महिला उद्धार समुह पोखरा ८ को अध्यक्षमा दुर्गा अधिकारी चयन हुनुभएको छ । समूहको बिहाबार भएको ९ औँ अधिवेशन तथा २६ औँ बार्षिक साधरणसभाले अधिकारीको नेतृत्वमा १५ सदस्यि नयाँ कार्य समिति चयन गरेको छ । नवनिर्वाचित अधिकारीले सस्थाप्रति सहयोग गर्ने सबैमा धन्यवाद व्यक्त गर्नुभयो ।

कार्यक्रमका प्रमुख अतिथि पोखरा महानगरपालिकाका वडा नं ८ का वडा अध्यक्ष रुद्रनाथ बरालले जल्पादेवी महिला समुहले समाजमा गरेका कामको खुलेर प्रशंसा गर्नुभयो । कार्यक्रममा सृजना विकास केन्द्रका अध्यक्ष बिष्णुप्रसाद बराल, सृजना महिला बचत तथा ऋण सहकारी संस्थाका अध्यक्ष सुष्मा बराल, समुहका निर्वतमान अध्यक्ष कान्ति अधिकारी, पुर्व अध्यक्ष तथा सल्लाहकार पोखरा ८ का महिला सदस्य पवित्रा के.सी, समूहका संस्थापक अध्यक्ष सारदा सुवेदी, जल्पादेवी बहुउद्धेश्यीय विकास समितिका उपाध्क्षय शान्ति सिक्देल, रेडियो सराङकोटका प्रमुख कृष्ण थापा लगायतको सहभागिता रहेको थियो ।

कार्यक्रममा समूहका कोषाध्क्षय सुनिता बरालले आर्थिक प्रतिवेदन, सचिव अमृता गिरीले वार्षिक कार्य प्रगती विवरण प्रस्तुत गर्नुभएको थियो । समूहका अध्यक्ष राधिका थापाको अध्क्षयतामा सञ्चालन भएको कार्यक्रममा स्वागत मन्तब्य उपाध्यक्ष दुर्गा अधिकारीले र कार्यक्रमको सञ्चालन समूहका सचिव अमृता गिरीले गर्नुभएको थियो ।

तिहारमा स्वदेशी फूलको प्रयोग गरौँ, कृषिमन्त्री श्रेष्ठ

पोखरा ।
गण्डकी प्रदेशकी कृषि, भूमि व्यवस्था तथा सहकारी मन्त्री पद्माजि.सी श्रेष्ठले स्वदेशी उत्पादन प्रयोगमा जोड दिन आग्रह गरेकी छिन् । स्वदेशी उत्पादनको प्रयोगले व्यवसायी, उद्योगी, श्रमजीविसँगै देशको अर्थतन्त्रलाई समेत उत्साह दिने भएकाले उपलब्ध भएसम्म स्वदेशमै उत्पादित सामाग्रीहरु प्रयोग गर्न जोड दिएकीहुन् ।
सोमबार देखि पोखरामा सुरु भएको आठौं गोदावरी पुष्प प्रदर्शनी तथा पाँचौं गण्डकी प्रादेशीक पुष्प मेला २०८१ को उद्घाटन गर्दै मन्त्री श्रेष्ठले भनिन्,‘उपलब्ध भए सम्म हामीले अब स्वदेशी उत्पादन प्रयोगमा जोड दिनुपर्छ । यसले उत्पादनमा जोडिनु हुनेलाई उत्साह त मिल्छ नै, सँगै देशको अर्थतन्त्रलाई पनि टेवापुर्याउँछ ।’
नजिकिदै गरेको फूलहरु समेतको पर्व तिहारमा पनि देशमा उत्पादीत फूलको प्रयोग गर्न उनको सुझाव छ । ‘देशको उत्पादनले मात्रै फूलको मागधान्न सक्ने अवस्था अहिले छैन । केहि समय अघिको वर्षाले पनियसको खेतीमा असर गरेको छ । तर मिलेसम्म, उपलब्ध भए सम्म तिहारमा देशमै फूलेका फूलले शुभकामना र आशिष दिऔँ’मन्त्री श्रेष्ठले भनिन् ।
कात्तिक १२ देखि पोखराको नयाँबजार स्थित प्रदर्शनी केन्द्रमा सुरु भएको प्रर्दशनी तथा मेला कात्तिक १६ गते सम्म सञ्चालन हुनेछ ।

पोखरा म.न.पा. वडा नं. १७ तल्लो बिरौटाकोआयोजनामा बहुउद्देश्यीय सामुदायिक क्रियापुत्री भवन उद्घाटन सप्पन्न

पोखरा म.न.पा. वडा नं. १७ स्थित तल्लो बिरौटा टोल बिकास संस्थाको पाँचौ वार्षिक साधारण, तेश्रो अधिवेशन तथा बहुउद्देश्यीय सामुदायिक तथा क्रियापुत्री भवन उद्घाटन कार्यक्रम सप्पन्न भएको छ।

संस्थाका अध्यक्ष फर्स बहादुर कुँवरको अध्यक्षतामा भएको सो कार्यक्रममा पोखरा म.न.पा. वडा नं. १७ का वडा अध्यक्ष राधिका कुमारी शाहीको प्रमुख अतिथि हुनुहुन्थ्यो भने पोखरा म.न.पा. वडा नं. १७ का सम्पूर्ण जनप्रतिनिधि वडा सदस्य लगायतको उपस्थिति रहेको थियो ।

विशेष अतिथि नन्दलाल बि.क. ले पनि सहभागी जनाउनु भएको थियोे । त्यस्तै बिरुवा मार्ग टोल विकास संस्थाका अध्यक्ष शालिकराम भण्डारीज्यू, घारीकुलो टोल विकास संस्थाका अध्यक्ष गोविन्द गिरीज सनराईज टोलविकास संस्थाका अध्यक्ष श्री प्रणानाथ पौडेल समाजसेवी व्यक्तित्व श्री कृष्ण पौडेल, तल्लो बिरौटा आमा समूहका प्रतिनिधी श्री बसुधा पौडेल मेलमिलाप दिदिबिहिनी आमा समूहका अध्यक्ष श्री जोगमाया के.सी. एबम संगमटोल आमासमूहका अध्यक्ष श्री गंगा पौडेल को उपस्थित रहेको आयोजित कार्यक्रममा संस्था सहकोषाध्यक्ष श्री प्रशन्न पौडेल स्वागत मन्तव्य दिनु भएको थियो भने प्रमुख अतिथि एवं विशेष अतिथिज्यूहरुले छोटो समयमा तल्लो बिरौटा टोलबिकास संस्थाले वडास्तरमै नमूना बाटो र नवनिर्मित भवन सप्पन्न भएको बताउनु भयो। विरौटा बासीहरुले भवनको भरपुर उपभोग गर्न सक्ने छ्न। संस्थाका नाउँमा जग्गा खरिद गरी वृहत जनसहभागिताबाट सुविधासम्पन्न बहुउद्देश्यीय सामुदायिक तथा क्रियापुत्री भवन टोल विकास संस्थाको संकलित रकम रु. २१,९०,०८४।- (एक्काइस लाख नब्बे हजार चौरासी) रुपैया र जनसहभागिताबाट रु. ९,२६,९१६।- (नौ लाख छब्बीस हजार नौ सय सोह्र) रुपैया समेत गरी कूल जम्मा रु. ३१,१७,०००।- एकतीस लाख लाख सत्र हजारको लागतमा भवन निर्माण सम्पन्न भएको छ। समितिका अध्यक्ष ज्ञानबहादुर क्षेत्रीको अध्यक्षतामा निर्माण भएको भवनमा सबै टोलबासीको हरुको सहयोग र सक्रियतामा सप्पन्न भएको बताउनु भयो।उहाँले सार्वजनिक विकास निर्माणका काममा हुने विवाद रहित तवरबाट संस्थाको कामलाई अगाडि बडाइ सबैको प्रसंशा र हौसला समेत मिलेको जिकिर गर्नुभयो। हाम्रो नेतृत्वले गरेको काम सफलता पुर्बक सम्पन्न भएकोमा खुशी व्यक्त गर्नु भयो।

साथै संस्थाले गर्ने विकास निर्माणका काममा वडा कार्यालय सधैं सहयोगी रहने प्रतिवद्धता समेत जाहेर गर्नु भएको थियो । छिमेकीटोल विकास संस्थाहरुले पनि तल्लो बिरौटा टोल विकास संस्थाले निर्माण गरेको बहुउद्देश्यीय भवन उपयोग गर्न सकिने गरी निर्माण गर्नु भएकोमा धन्यवाद दिदै थप पूर्वाधार निर्माणका लागि सहयोग गर्न तत्पर रहेको प्रतिवद्धता व्यक्त गर्नु भयो भने संस्थाका अध्यक्षले अब आउँदो वर्षदेखि हरेक कार्यक्रम आफ्नै भवन परिसरमा गर्न पाउँदा खुशी रहेको र सबै टोलबासीको जनसहभागिता तथा जनप्रतिनिधिज्यूहरुको विशेष सहयोगबाट मात्र त्यो कुरा सम्भव भएको हुँदा यसैगरी सम्पूर्णको सद्भभाव र सहयोगको अपेक्षा गर्दै समापन मन्तव्य समेत दिनु भएको थियो । भवन निर्माण समितिका अध्यक्ष श्री ज्ञान बहादुर क्षेत्री र सचिव श्री भुवनप्रसाद दाहालज्यू समेतले शुभकामना मन्तव्य दिनु भएको थियो उक्त कार्यमा संस्थाको आम्दानी वृद्धि गर्ने भरपर्दो श्रोतहरुको पहिचान गरी संस्थाको नवनिर्वित भवनलाई थप सुविधा सम्पन्न गर्ने संस्थाको मूख्य लक्ष्य रहेकोमा वृहत रुपमा आर्थिक संकलन श्रोतको पहिचान गरी सहयोग जुटाई संस्थाको कोष वृद्धि गरी यथासमयमा थप निर्माण सम्पन्न गर्ने भनि संस्थाका कोषाध्यक्ष श्री तुलसी थापाले मन्तव्य दिनु भएको, टोलवासीको प्रमुख समस्याको रुपमा रहेको मोटर बाटोलाई पोखरा

म.न.पा. वडा नं. १७ को भित्रीबाटो मध्य नमूना बनाउन सफल भएको र संस्थाको आफ्नै सुविधा सम्पन्न भवन निर्माण गर्न सफल भई पहिलो खुड्किलो पार गरिसकेको उक्त भवनलाई समय सापेक्ष र टोलबासी, छिमेकीटोल तथा समग्र बिरौटाबासीहरु समेतको आवश्यकता पूर्ति गर्न सक्ने सुविधा थप गरी निर्माण र सो भवन वरपर तथा टोल भित्र क्रमिकरुपमा निर्माण हुँदै गएका सडक, कुलो, नाला, भवन समेतका भौतिक पूर्वाधारहरुको संरक्षण, सम्वर्द्धन र रंगरोगन गर्दै पोखरा महानगर देशको पर्यटकीय राजधानी घोषणा भई राज्यले सोही अनुसारका भौतिक पूर्वाधार विकास निर्माणका कार्यहरु तिब्र रुपमा गरिरहेकोमा यस तल्लो बिरौटा टोलले पनि नेपाल सरकार तथा

पोखरा महानगरपालिकाको उद्देश्य अनुसार टोललाई बातावरणीय सरसफाई सहित निर्माण भएका भौतिक पूर्वाधारहरुलाई सौन्दर्यकरण (Beautification) समेतमा जोड दिई पर्यटकीय गतिविधिहरु बढाउने गरी अगाडी बढ्नु अहिले आवश्यकता रहेकोले योजना बनाई सो तर्फ पनि विशेष रुपमा लाग्न र तल्लो बिरौटा बहुउद्देश्यीय सामुदायिक तथा क्रियापुत्री भवन वरपर वृक्षारोपण, पार्क तथा उद्यान निर्माण गरी स्वच्छ वातावरण तथा पर्यटक मैत्री टोल बनाउनका लागिसमेत संस्थाको मुख्य भावी कार्ययोजना रहेकोले भवनको थप पूर्वाधार निर्माण र कार्यालय भवन आउने बाटो तथा अन्य शाखा

बाटोलाई यथाशिघ्र पिच गर्ने तर्फ संस्थाको सम्पूर्ण शक्ति केन्द्रित गरी निर्माण तर्फ लाग्नु पर्नेमा कुरामा संस्थाका सचिवले विशेष जोड दिनु भएको थियो र उक्त कार्यक्रम तल्लो बिरौटा टोल बिकास संस्थाका सचिव श्री चेतनाथ चालिसेज्यूले संचालन गर्नु भएको थियो ।
साथै संस्थाको तेश्रो अधिवेशनमा निर्वाचन कार्यक्रम गरी श्री चेतनाथ चालिसेज्यूको अध्यक्षमा १५

सदस्सीय नयाँ कार्यसमिति चयन भएको छ । अध्यक्षमा श्री चेतनाथ चालिसे, उपाध्यक्ष श्री बसुन्धरा शर्मा पौडेल, सचिव श्री भुवनप्रसाद दाहाल, कोषाध्यक्ष श्री रजिशा थापा, सहसचिव श्री रिता शर्मा, सहकोषाध्यक्ष श्री एकनाथ ढकाल सदस्यहरुमा क्रमशः श्री मञ्जु अर्याल, श्री इन्द्र बहादुर थापा, श्री शर्मिला भट्टराई, श्री नन्दप्रसाद वाग्ले, श्री महादेव पन्त, श्री विष्णुमाया पौडेल, श्री राजन के.सी., श्री दुर्गा पौडेल र श्री सुदिन तिमिल्सिना निर्विरोध निर्वाचित हुनु भएको व्यहोरा श्री कास्की जिल्ला अदालतका शाखा अधिकृत श्री दामोदर आचार्य संयोजक, सदस्यहरु श्री सुजन पौडेल र श्री मिन बहादुर गुरुङ भई गठित निवार्चन समितिले जानकारी गराउनु थियो ।