Breaking News
पर्वतका प्राध्यापक डा.रेग्मीलाई वीरशाली पन्त स्मृति गौरवमय पुरस्कार प्रदान

पोखरा। बागलुङ नगरपालिकाले स्थापना गरेको वीरशाली पन्त स्मृति गौरवमय पुरस्कार पर्वतका साहित्यकार प्राध्यापक डा.जगन्नाथ रेग्मीलाई प्रदान गरिएको छ । हिजो सोमबार आयोजित एक कार्यक्रममा बागलुङ नगरपालिकाका उप-प्रमुख राजु खड्का र पुरस्कार व्यवस्थापन समितिका अध्यक्ष प्रेम छोटाले पुरस्कार हस्तान्तरण गर्नुभएको हो । नगरपालिकाले ५ लाख अक्षयकोष स्थापना गरेपछि पहिलो पटक २५ हजार राशीको उक्त पुरस्कार रेग्मीलाई प्रदान गरिएको हो ।

नेपाली भाषा साहित्य मात्र नभइ संस्कृत भाषा साहित्यका अग्रणी वीरशाली पन्तको स्मृतिमा कोष स्थापना भएको थियो। पन्तको बागलुङ नगरपालिका ७ गैरागाउँमा वि स १८४९ मा जन्म भएको थियो । उहाँको सिर्जनामा दर्जनौं कविता तथा आधादर्जन महाकाव्य समेत रहेका छन् । पन्तसँग आदिकवी भानुभक्त आचार्यले साहित्य र भाषा सिकेको पनि जानकारहरु बताउँछन् ।

कार्यक्रममा नगर उप-प्रमुख राजु खड्काले वीरशाली पन्तको स्मृतिमा पुरस्कार दिने काम मात्र नभइ अन्य रचनात्मक गतिविधि र कार्यक्रम पनि संचालन गर्नुपर्ने भन्दै त्यसका लागि नगरपालिका सहयोगी भएपनि साहित्यको क्षेत्रमा क्रियाशिल सघसंस्थाले आफ्ना नियमित कार्यक्रममा जोड्नुपर्ने खड्काले बताउनुभयो ।

पुरस्कार वितरण समारोहमा नेपाली भाषा र साहित्यको विकास नहुँदै वीरशाली पन्तले दिएको योगदानलाई राज्य तहबाटै स्मरण र सम्मान गर्नुपर्ने कार्यक्रममा उपस्थित विभिन्न साहित्यकारहरुले भनाइ थियो। धौलागिरि बहुमुखी क्याम्पसका प्रमुख प्रा.डा.रामप्रसाद उपाध्याय, पुरस्कृत व्यक्तित्व रेग्मी, साहित्यकार काजी रोशन र वरिष्ठ अधिवक्ता काजी गाउँले श्रेष्ठ लगायतले पन्तलाई राष्ट्रिय विभूति मान्नुपर्ने बताउनुभयो ।

कार्यक्रममा बानपाका पूर्व प्रमुख जनकराज पौडेल, अधिवक्ता ज्ञानेन्द्रराज पन्त, बिना कार्की, विश्वनाथ रेग्मी लगायतले समेत आ-आफ्नो मन्तव्य राख्नुभएको थियो ।

पुरस्कृत भएपछि डा.रेग्मीले बागलुङको गाउँमा जन्मेकोले पन्तको योगदानको राष्ट्रिय चर्चा नभएको समेत बताताउनु भयो । ‘काठमाण्डौ वा अन्य सहरी क्षेत्रमा जन्मेको भए वीरशाली पन्तको नाउँमा राजमार्ग बन्थ्यो’ रेग्मीले भन्नुभयो, ‘हामीले सम्झने अवसर पायौं तर अझै मेहेनत गरेर बर्ष भर चिनाउनुपर्दछ र यसको लागि सबै एकजुट हुनुपर्ने पनि उहाँले बताउनुभयो।

सम्मानित रेग्मी पर्वतको जलजला गाउँपालिका मल्लाज लेकफाँटमा जन्मि हाल विन्दुवासिनी संस्कृत विद्यापीठ(क्याम्पस ) पोखरामा प्राचार्य हुनुहुन्छ । नेपाली भाषा र साहित्यमा रेग्मीको पनि योगदान रहेको छ । रेग्मीले दर्जनबढी साहित्यिक, खोज तथा अन्वेषणका कृतिहरु प्रकाशित गर्नुभएको छ ।

पालिका स्थापनाको अबसरमा भलिबल प्रतियोगिता

मादी गाउपालीका याङ्जकोटले पालिका स्थापनाको अबसरमा प्रथम पालिका स्तरिय अद्द्यक्ष्य कप भलिबल प्रतियोगिता संचालन गर्ने भएको छ।
पोखराको न्युरोडमा रहेको दिपसगर होटेलमा आयोजित पत्रकार सम्मेलनमा मादी गाउपलिकाको अद्द्यक्ष्य देवीजङ् गुरुङले जानकारी दिनुभयो।
खेल अभियान , पर्यटन र संस्कृतिको पहिचान भन्ने मुल नाराका साथ गाउपालिकाले स्थापना भएको बर्षगाठ मनाउन लागेको हो।
खेलको माध्यमबाट पालिकलाको पर्यटन तथा संस्कृतिलाई प्रबर्धन गर्ने उदेश्यले आउदो फागुन २७ देखि २९ गते सम्म भलिबल प्रतियोगिता संचालन हुने बताउनु भयो ।
विभिन्न पालिकाहरुबाट सहभागिता भएका खेलाडीहरुको प्रतिभालाई प्रस्फुटन गर्ने मनसायले स्थानीय तहबाटै राष्ट्रिय तथा अन्तरास्ट्रिय स्तरका खेलाडी उत्पादन र सक्षम बनाउने उदेश्यले प्रतियोगिता प्रभाबकारी हुने आशा व्यक्त गर्नु भयो।
त्यस्तै मादी गा पा का प्रत्येक वडाबाट स्थानीय स्तरमा प्रशिद्द संस्कृतिक झल्किने झाकी प्रदर्शन एबम जेष्ठ नागरिहरुलाई सम्मान गर्ने जानकारी गराउनु भयो।
जनप्रतिनिधि तथा कर्मचारी बीच समुधुर सम्बन्धलाइ बढाउन मैत्रीपूर्ण भलिबल प्रतियोगिता हुने पालिकाको स्थापना दिवसको अबसरमा पालिकामा उत्कृस्ट कार्य गर्ने तथा सेवा प्रवाहलाई प्रभाकारी बनाउने संघ संस्था तथा व्यतिहरुलाई सम्मान र पुरस्कारको कार्यक्रम रहेको समेत जानकारी दिनु भयो।

नेपालमा मनोरोगी र‍ निराश हुने क्रम बढ्याे

पछिल्लो समय मानिसहरु निराश हुँदै जाने र बिस्तारै मनोरोगी हुने क्रम नेपालमा बढिरहेको छ ।

नेपालमा ८५ लाखभन्दा बढी मानिसमा कुनै न कुनै प्रकारको मानिसक समस्या रहेको एक अध्ययनले देखाएको छ सरकारी तथ्याङ्क अनुसार नेपालको कुल जनसङ्ख्या मध्य ३० प्रतिशतभन्दा बढीमा मानसिक समस्या रहेको छ।

मानसिक स्वास्थ्यसँगै आएको पछिल्लो समय आत्महत्याको समस्या पनि बढ्दै गएको छ । सरकारको तथ्याङ्क अनुसार नेपालमा दैनिक १८ देखि २० जनाले आत्महत्या गर्ने गरेका छन् । मानसिक स्वास्थ्य समस्या र आत्महत्याको सिधा सम्बन्ध रहेको छ । ६० प्रतिशत आत्महत्याको कारण डिप्रेशन अर्थात जटिल प्रकारको उदाशीनतासँग सम्बन्धित छ । आत्महत्याको समग्र कारणमा ९० प्रतिशत मानसिक स्वास्थ्य समस्या रहेको डाक्टरहरुको भनाइ छ ।

आर्थिक समस्या वा सम्बन्धमा देखा पर्ने दरार, प्रतिष्ठामा आउने आँचका कारण पछिल्लो समय मानिसहरुमा मानसिक स्वास्थ्य समस्या देखिने गरेको छ । विश्व स्वास्थ्य सङ्गठनले आत्महत्यालाई रोकथाम गर्न सकिने समस्याका रुपमा पहिचान गरेको छ ।

आत्महत्या गर्ने सोच बनाएका व्यक्तिले सङ्केतमार्फत पूर्व जानकारी दिन्छ । त्यसैले परिवार वा नजिकका आफन्त तथा साथीले ध्यान दिएर सावधानी अपनाएमा आत्महत्याको जोखिम टार्न सकिने डाक्टरहरुले बताएकाछन् ।

आजदेखि कोरियन भाषा परीक्षा सुरु

आजदेखि ईपीएस कोरिया शाखाले लिने कोरियन भाषा परीक्षा सुरु गरेको छ ।

राष्ट्रिय व्यावसायिक प्रशिक्षण प्रतिष्ठान, भैँसेपाटीमा परीक्षा भएको शाखाले जनाएको छ ।

परीक्षा एक दिनमा पाँच वटा सिफ्टमा लिइनेछ । एक हजार जनाले परीक्षा दिन पाउने गरी व्यवस्था मिलाइएको इपीएस कोरिया शाखाका निर्देशक मैयाँ कडेलले जानकारी दिनुभयो । “त्यसतै पहिलो सिफ्टमा करिब ४७ हजार पाँच सय १९ जनाले कोरियन भाषा परीक्षा दिने छन्, शनिबार पनि परीक्षा दिने गरी व्यवस्था मिलाएका छौँ, अन्य सिफ्ट त्यसपछि तय गरिने छ”, उहाँले भन्नुभयो ।

परीक्षार्थीहरू परीक्षाको एक दिन अघि सिफ्टअनुसार ईपीएस शाखा, कार्यालय ग्वार्कोमा बायो–मेट्रिक रजिस्ट्रेशन फिङर प्रिन्ट दर्ताका लागि उपस्थित हुनुपर्नेछ । परीक्षा सुरु हुनुअघि एक घण्टा अगाडि परीक्षा हलमा ओरेन्टेसन शुरु हुनेछ साथै निर्धारित समयमा उपस्थित नभए परीक्षामा सहभागी नगराइने निर्देशक कडेलले जानकारी दिनुभयो ।

परीक्षामा मोबाइल फोन, स्मार्टवाच लगायतका कुनै पनि विद्युतीय सञ्चारका साधनहरू लैजान निषेध गरिएको छ । परीक्षामा चिट चोर्ने, नक्कल गरेको लगायतका अवाञ्छित गतिविधि गरेको भेटिएमा परीक्षा रद्द गर्नुका साथै चार वर्षसम्मका लागि परीक्षामा समावेश हुन निषेध गरिने कार्यालयले जनाएको छ ।

सन् २०२३ का लागि कोरियाको उत्पादनमूलक क्षेत्रतर्फ एक लाख ६३ हजार ६३५ जनाले आवेदन दिएका थिए ।

हेटौँडा सिमेन्टले गर्यो आफ्नो पुनः उत्पादन

हेटौँडा सिमेन्ट उद्योगले गत सोमबारबाट पुनः उत्पादन सुरु गरेको छ । झन्डै चार महिनादेखि बन्द हुदै आएको थियो। हेटौँडा सिमेन्ट उद्योगका महाप्रवन्धक वसन्त पाण्डेका अनुसार सोमबार उद्योगका सम्पूर्ण मेसिन सञ्चालन गरी सिमेन्ट उत्पादन थालेको हो ।

उद्योग सञ्चालनका लागि कोइला अभाव हुँदा गत मङ्सिरदेखि उत्पादन ठप्प भएको थियो । उद्योग सञ्चालनका लागि आवश्यक कोइला खरिद गर्न समस्या भएपछि उत्पादन ठप्प भएको महाप्रवन्धक पाण्डेले बताए । कोइला सप्लायर्सहरुलाई भुक्तानी दिन नसकेपछि कोइला आपूर्ति बन्द भएर उद्योग नियमित सञ्चालन गर्न नसकेको उनले बताए ।

केही दिन अघिमात्र हेटौँडा–९ मा रहेको उद्योगले कोइला सप्लायर्सहरुलाई भुक्तानी दिएपछि कोइला आपूर्ति भएको र सो कोइलाको प्रयोग गरी उद्योग सञ्चालन गरिएको महाप्रवन्धक पाण्डेले बताउनु भयो ।

हिउँदेबाली प्रवर्द्धन कार्यक्रमअन्तर्गत तोरीखेती गर्ने किसानलाई अनुदान प्राप्त

पोखरा । पोखरा महानगरपालिकाले हिउँदेबाली प्रवर्द्धन कार्यक्रमअन्तर्गत तोरीखेती गर्ने किसानलाई अनुदान दिएको छ । तोरीखेती विस्तारबापत प्रतिरोपनी रु चार सय र बीउमा ५० प्रतिशतका दरले अनुदान वितरण गरिएको कृषि महाशाखा प्रमुख मनोहर कँडरियाले जानकारी दिए ।
महानगरपालिकाबाट अनुदान पाएपछि वडा नं ११, १३, २३, २९ र ३१ किसानले पाँच रोपनीमा तोरीखेती विस्तार गरेको उनले बताए । समूहगतरुपमा आएका किसानलाई जग्गा तयार गरेबापत क्षेत्रफलअनुसार अनुदान दिइएको हो । व्यक्तिगतरुपमा आउने किसानलाई बीउमा मात्र अनुदान दिइएको महाशाखा प्रमुख कडरियाले बताए ।
महानगरपालिकाले हिउँदे बाली प्रवद्र्धन कार्यक्रमअन्तर्गत तोरी र गहुँबाली विस्तारका लागि किसानलाई अनुदान दिँदै आएको छ । हिउँदमा खाली हुने जग्गाको सदुपयोगका साथै घरायसी प्रयोजनका लागि किसानले आफैँ तेल उत्पादन गर्न सकून् भन्ने उद्देश्यले तोरीमा अनुदान दिइएको महाशाखा प्रमुख कडरियाको बताउनु भयो ।

हिउँदेबाली प्रवर्द्धन कार्यक्रमअन्तर्गत तोरीखेती गर्ने किसानलाई अनुदान प्राप्त
कृषि विकास निर्देशनालयले आयोजना गरेको प्रारभिक तथ्यांक भ्यलिडेसन गोष्ठी सम्पन्न

कृषि बिकास निर्देशनालय पोखराको आयोजनामा प्रारम्भिक तथ्यांक भ्यालिदेसन गोष्ठी सम्पन्न भएको छ। कृषि बिकास निर्देशनालयको सभाहलमा संचालन भएको कार्यक्रम कृषि बिकास निर्देशनालयका महानिर्देशक वासुदेव रेग्मीको अध्यक्षतामा कार्यक्रम संचालन भएको थियो। उक्त कार्यक्रममा प्रमुख अतिथि योजना तथा अनुगमन महाशाखा प्रमुख भानु भक्त भट्टराई रहनु भएको थियो।
त्यस्तै तालिम केन्द्र ,कृषि ज्ञान केन्द्र ,नीति तथा योजना आयोगका सदस्य भूमि व्यवस्था मन्त्रालय गण्डकी प्रदेश का प्रदेश सचिव लगायतका व्यक्तिको सहभागिता रहेको थियो।
सो कार्यक्रममा महानिर्देशक रेग्मीले सबै भन्दा महत्वपुर्ण कुरा कृषि तथ्यांकलाइ काल्पनिक नभई वास्तविक बनाउनु पर्नेमा जोड दिनु भयो।
कृषिको कुनै पनि उत्पादन भएको कार्य सम्पादन गर्ने क्रममा महत्वपुर्ण पाटो तथ्यांक रकेको हुदा यसलाई अब्बल साबित गर्नु पर्नेमा सबैलाई आग्रह गर्नुभयो।
सरकारी तथ्यांक कृषिको डाटामा पनि सत्यता नभएको जानकारी गराउनु भयो साथै जनशक्तिको कमीले गर्दा पनि सहि तथ्यांक ल्याउन कठिन भएको रेग्मीले जिकिर गर्नुभयो।
बाँझो जग्गा धान लगाएको जग्गा कुनै पनि खेति गरेको खेतको यरियाको वेरीफाई महत्वपुर्ण रहेको धारण राख्नुभयो। आगामी दिनका कार्यक्रमलाइ ब्यबस्थित तरिकाले लैजाने प्रण गर्नु भयो।

आ. व. २०८०/०८१ को दितिय त्रैमासिक तथा अर्धबार्षिक प्रगति समिक्षा गोष्ठी

कृषि बिकास निर्देशनालय, पोखरा र पशुपन्छी तथा मत्स्य विकास निर्देशनालय को संयुक्त आयोजना मा संचालित आ. व. २०८०/०८१ को दितिय त्रैमासिक तथा अर्धबार्षिक प्रगति समिक्षा गोष्ठी कार्यक्रम भएको छ। कृषि बिकास निर्देशनालयको सभाहलमा तिन दिन सम्म संचालन हुने उक्त कार्यक्रम कृषि बिकास निर्देशनालय, पोखराका महानिर्देशक वासुदेव रेग्मीको अध्यक्षतामा कार्यक्रम संचालन भएको छ भने सो कार्यक्रम प्रमुख अतिथि कृषि तथा भूमि व्यवस्था मन्त्रालय गण्डकी प्रदेशका माननीय श्री महेन्द्रध्वज जी सी को उपस्थिति रहेको थियो। त्यस्तै विभिन्न
नीति तथा योजना आयोगका सदस्य कृषि तथा भूमि व्यवस्था मन्त्रालय गण्डकी प्रदेश का प्रदेश सचिव सहदेव प्रसाद हुमागाईं , पशुपन्छी तथा मत्स्य विकास निर्देशनालय का महानिर्देशक डा .प्रेरणा सेढाँइ भट्टराई ,राष्ट्रिय पशु प्रजनन केन्द्र का कार्यलय प्रमुख डा. जगदीश पाण्डे भेटेरिनरी अस्पताल तथा पशु सेवा विज्ञ केन्द्र पोखराका प्रमुख शम्भुराज पाण्डे लगाएतक व्यक्तिको उपस्थिती रहेको थियो। महानिर्देशक वासुदेव रेग्मीलेआउदो आर्थिक बर्षमा नयाँ कार्यक्रम ल्याउने योजना भएको बताउनु भयो।
अब आउने कार्यक्रमलाइ नयाँ शैलीबाट आकर्सित तबरले संचालन गर्ने जानकारी गराउनु भयो । तहको सरकारको समन्वय र सहकार्यको तालमेल नमिल्दा योजनाहरुको गति सुस्त भएको बताउदै अब स्थानिय सरकार संग छलफल गरि मात्रै अघि बढ्न धारण राख्नु भयो।

आज केहि प्रदेशमा हिमपातको सम्भावना

नेपालमा हाल पश्चिमी वायुको आंशिक प्रभाव रहेको छ। मौसम पूर्वानुमान आइतबार देशको पहाडी भू-भागमा आंशिक देखि साधारण बदली रही बाँकी भू-भागमा आंशिक बदली देखि महाशाखाका अनुसार मौसम मुख्यतया सफा रहनेछ।

त्यस्तै आज कोशी, गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ। भने तराईका अधिकांश स्थानहरूमा हुस्सु र कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने महाशाखाको भनाई छ ।

भोलि सोमबार पनि देशभर आंशिक बदलीदेखि मुख्यतया सफा रहनेछ। कोशी र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ। चिसोबाटसमेत बच्न आवश्यक उपायहरू तथा सतर्कता अपनाउन महाशाखाको अनुरोध छ ।

संस्कृत युवामञ्च नेपालको अध्यक्षमा सापकोटा

पोखरा । संस्कृत युवामञ्च नेपालको छैटौं वार्षिक साधारण सभा तथा तेश्रो अधिवेशन बुधवार पोखरामा सम्पन्न भएको छ । अधिवेशनले विश्वराज सापकोटाको अध्यक्षतामा ११ सदस्यीय नयाँ कार्यसमिति समेत चयन गरेको छ । समितिको उपाध्यक्षमा महेन्द्र पौडेल, सचिवमा दिवाकर पौडेल, सह-सचिवमा लक्ष्मण पौडेल, कोषाध्यक्षमा भवानी शंकर शर्मा तथा सदस्यहरूमा क्रमशः प्रेमराज अधिकारी, राम प्रसाद नेपाल, शुभेच्छित चापागांई, हरिराज कोईराला, गोपाल पराजुली एवं विकाश पौडेल निर्विरोध निर्वाचित भएको निर्वाचन समिति संयोजक गिरिधर आचार्यले बताउनुभयो ।

युवा मञ्चका अध्यक्ष रामकृष्ण अर्यालको अध्यक्षता तथा राष्ट्र गौरव अभियानका संयोजक सिरोज विजय कोईरालाको प्रमुख आतिथ्यतामा सम्पन्न कार्यक्रममा उपाध्यक्ष विश्वराज सापकोटाले स्वागत मन्तब्य तथा सचिव केशब गौतमले कार्यक्रमको संचालन गरेका थिए। कार्यक्रममा प्रमुख अतिथि कोईरालाले आफ्नो मन्तब्य राख्दै सनातन हिन्दु धर्म माथि अहिले बिभिन्न कोणबाट आक्रमण हुन थलेकोले यसलाई जोगाउन युवा मञ्च डटेर अगाडि बढ्नुपर्ने र त्यसमा आफ्नो सहयोग र समर्थन रहने बताउनुभयो।

युवा मञ्चका सल्लहकार तथा केदारेश्वर महादेव मणी सेवा आश्रमका पीठाधीश चिद्घन चैतन्य डा. लेखनाथ आचार्यले युवा मञ्च जस्तो नाम छ तेस्तै अनुरुप अहार विहार आदिमा ध्यान दिँदै आफ्नो आचरणमा रही अगाडि बढ्नुपर्नेमा जोड दिनुभयो । साथै उहाँले नाम जस्तै काम पनि उस्तै गरेर देखाउनुपर्नेमा समेत जोड दिनुभयो। कार्यक्रममा संस्थाका सल्लहकार डा. भोलानारायण रेग्मी, तालबाराही आरति सेवा समितिका कोषाध्यक्ष मदनराज न्यौपाने लगायतले आ- आफ्नो मन्त्यब्य राख्दै “युवा मञ्च नेपाल” लाई शुभकामना दिनुभएको थियो।

कार्यक्रममा अध्यक्ष, सचिव, कोषाध्यक्ष तथा लेखासमितिको प्रतिवेदन माथि छलफल गरी सर्वसहमतिमा पारित समेत गरिएको संस्थाका निवर्तमान कार्यसमिति सदस्य धनिराम ढकालले जानकारी गराउनुभयो ।