Breaking News
‘सुनाकली’ देखाउँदै सकियो ‘थाहा फिल्म फेस्टिभल’

काठमाडौँ। मकवानपुरको थाहा नगरपालिकामा आयोजित ‘थाहा फिल्म फेस्टिभल २०२३’ सम्पन्न भएको छ। पालुङको जेसिस हलमा मंसीर ९ गतेबाट सुरु भएको फेस्टिभलमा भोजराज भाट निर्देशित डकुमेन्ट्री ‘सुनाकली’ देखाउँदै समापन गरियो। मुगुकी किशोरीहरूको फुटबल जीवनमा आधारित ‘सुनाकली’ले विभिन्न अन्तर्राष्ट्रिय अवार्ड जितिसकेको छ। समापन कार्यक्रमकी प्रमुख अतिथि बागमती प्रदेशकी सामाजिक विकास मन्त्री कुमारी मुक्तान थिइन्।

पर्यटन प्रवर्धन गर्ने उदेश्य सहित थाहा कला केन्द्रले आयोजना गरेको फेस्टिभलमा तीन दर्जन डकुमेन्ट्रीसहित फिचर फिल्म र सर्ट फिल्महरु प्रदर्शन गरिएको थियो। फिचर फिल्मतर्फ ‘ऐना झ्यालको पुतली’, ‘प्रकाश’, ‘द सिक्रेट्स अफ राधा’, ‘बुलबुलु’, ‘आमाखान्डो’ र ‘डेसान’ देखाइयो। थाहा कला केन्द्रका अध्यक्ष सानोबाबु तामाङले फेस्टिभल सफलतापुर्वक सम्पन्न भएको बताउँदै यसलाई निरन्तर रुपमा अगाडी बढाउने सुनाए।

‘जम्प’को गीत ‘फेरी फर्किन्छ’ सार्वजनिक

काठमाडौं। आगामी मंसिर २९ गतेबाट प्रदर्शनको तयारीमा रहेको चलचित्र ‘जम्प’को गीत सार्वजनिक गरिएको छ । फरक शैलीमा तयार पारिएको ‘फेरी फर्किन्छ’ मा विशाखा चन्द र भाष्करको स्वर रहेको छ।

सार्वजनिक गीतमा चलचित्रका मुख्य कलाकार सवैलाई प्रस्तुत गरिएको छ । विशाखा चन्द र भाष्कर स्वरको रहेको गीतमा गायक स्वरको नै शब्द रचना तथा संगीत सुन्न सकिन्छ । आशुतोषध्वज कार्कीले जम्पबाट निर्देशनमा डेव्यु गर्दैछन् ।

चलचित्रमा वास्तविक जीवनमा आइपर्ने बाधा र त्यसलाई पन्छाउनका लागि चालेको एउटा अनौठो कदमपछिको अवस्था र तनावलाई प्रस्तुत निर्देशक कार्की बताउँछन् । एथ्लेटिक्स खेलाडीले आफ्नो जीवन परिवर्तनका लागि दैवी शक्तिको साहारा लिएपछि आउने घटनाक्रमको कथा चलचित्रले पेस गर्छ ।

चलचित्रमा सरोज श्रेष्ठ, बिनिता थापामगर, सन्देश शाक्य, सगुन तामाङ, मन्जिल जिसी, शंकर महर्जन, एन्जेलिका खत्री, अरोष्मा रन्जित, प्रज्वल खँडेल, सुदिप भुषाल, इलिस विष्ट तथा रितेश राजकर्णिकारको मुख्य भुमिका रहेको छ । चलचित्रको कथा र संगीत स्वयं निर्देशक कार्की हो ।