Breaking News
दरबारको कथा समेटेर चलचित्र ‘राजमहल’ को औपचारिक घोषणा

काठमाडौं। दरबारको कथा समेटेर नेपाली चलचित्र ‘राजमहल’ को औपचारिक निर्माण घोषणा गरिएको छ । बिहिबार काठमाडौमा आयोजित एक कार्यक्रमका बीच चलचित्रमा खेल्ने मुख्य कलाकारहरुको जानकारी दिंदै औपचारिक निर्माण घोषणा गरिएको हो ।

सुरावाती चरणमा ‘व्हाइट हाउस’ भनेर प्रचार गरिएता पनि औपचारिक रुपमा चलचित्रको टाइटल ‘राजमहल’ राखिएको छ । सबिन कुमार तोलाङ्गीको डेब्यु निर्देशन रहने चलचित्रमा अभिनेत्री आँचल शर्मा पृथक भूमिकामा देखिदैछिन । चलचित्रमा रमेश उप्रेती,सलोन बस्नेत, सिम्रन पन्त र मिस पवि लगाएतको चलचित्रमा अभिनय रहनेछ । करिब चार करोड बजेटमा बन्ने भनिएको चलचित्रको माघ पहिलो साता देखि अष्ट्रेलियाबाट छायांकन सुरु गर्दै न्युजिल्यान्ड सम्म पुगेर केही सिन खिचिने छ भने बाँकी ७० प्रतिशत छायांकन नेपालमा गरिने छ ।

चलचित्रमा सरोज खनाल, मिथिला शर्मा तथा अर्जुन श्रेष्ठ जस्ता चिर परिचत अनुहार सहित, रेशम गुरुङ, अजय कुमार रोका, अजय लामा, दिनेश सिग्देल, पूजा भण्डारी पनि यो चलचित्रका अन्य चारित्रिक भूमिकामा देखिदैछन पुरुषोत्तम प्रधानले खिच्ने चलचित्रमा अर्जुन पोखरेल र बाबुल गिरिको संगीत रहनेछ ।

निर्देशक समेत रहेका ऋषि लामिछाने कार्यकारी निर्माता रहेको राजमहलका मुख्य निर्माता शोभा श्रेष्ठ र यश बहादुर गुरुङ्ग रहेका छन भने अन्तर्राष्ट्रिय निर्मातामा अनिल पाण्डे र प्रिन्स युबराज कार्की जोडिएका छन् । त्यसैगरी सह-निर्मातामा साहिल श्रेष्ठ, झगेन्द्र धिमाल र माधव गहतराजले अष्ट्रेलिया तर्फबाट सहकार्य गरेका छन ।

कार्यक्रममा निर्देशक तोलाङ्गीले चलचित्रको कथालाई न्याय गर्ने गरि आफुले निर्देशन गर्ने प्रतिबद्धता जनाएका छन भने अभिनेत्री आँचलले यो चलचित्रको कथा अनुसार उत्कृष्टता प्रदर्शन गर्न आफु आतुर रहेको बताइन । अभिनेता रमेश उप्रेतीले चाहिँ अहिले नै आफुले ठूलो कुरा नगर्ने चलचित्रको छायांकन सकिएपछी सबिस्तार बोल्ने बताए ।

शान्तिश्री र कृष्णको ‘धरहरामा बस्यो माया जाल’मा राज र सोफी(भिडियो)

काठमाडौं । शान्तिश्री परियार र कृष्ण काफ्लेको स्वरमा रहेको नयाँ गीत ‘धरहरामा बस्यो माया जाल’ सार्वजनिक गरिएको छ । सार्वजनिक गीतमा सपना वानियाको शब्द, सुन्दर लामाको संगीत रहेको छ । आदित्य बुढाथोकीको निर्देशन र केशवराज भट्टको नृत्य निर्देशन रहेको गीतको भिडियोमा राज टाइगर र सोफी धरेललाई फिचरिङ गरिएको छ । राज र सोफीको जोडि भिडियोमा आकर्षक देखिएको छ । मानकृष्ण महर्जनको छायांकन रहेको भिडियोमा पदम सुवेदीको सम्पादन र मिलन विश्वकर्माको कलर रहेको छ । भिडियो सदिक्षा फिल्म्सको अफिसियल यु ट्युब च्यानल मार्फत सार्वजनिक गरिएको छ।

वेब सिरिज ‘आरती’ काे गीत सार्वजनिक(भिडियो)

काठमाडौँ। वेब सिरिज ‘आरती’ मा समाबेश रोमान्टिक गीत सार्वजनिक गरिएको छ। रौतहटको मनोरम दृश्यमा खिचिएको सार्वजनिक गीतमा खेम राज कोईराला, नुतन र मनिषा गिरी फिचर्ड छन् । अश्रिया हुमागाईं र मनिस अधिकारीको स्वर रहेको गीतमा रोशन दासको शब्द र मनिस अधिकारीको संगीत छ ।

रोशन दासको निर्देशनमा बनेको सिरिज पुष १६ गतेबाट नेट टिभीमा रिलिज हुँदैछ । सिरिजमा खेम र मनिषाको अलवा गीता श्री, लक्ष्मण अधिकारी, एच पी कडेल, संसार अधिकारी र शिव कुर्मी, सपना शर्मा, दिप नारायण शर्मा, विकी शाह, कृष्ण खड्का, जय पासवान र अनमोल दासको अभिनय छ ।

रेयस् इन्टरटेन्मेन्टको ब्यानरमा निर्माण भएको सिरिज मा आशिष कुमार दासको लगानी छ । हिक्मत शर्माको पटकथा लेखन, नितेश घतानको छायाँकन, दिनुप मगरको कोरियोग्राफी रहेको सिरिजका सम्पादक कवीर ओड र कमली हुन् ।

https://www.youtube.com/watch?v=-BO4j7rPhHc