Breaking News
पुजाको ‘दान्भी’ टिजर सार्वजनिक

काठमाडौँ। अभिनेत्री पुजा शर्माको केन्द्रिय भूमिका रहेको चलचित्र ‘दान्भी’को टिजर सार्वजनिक गरिएको छ। राजधानी काठमाडौंमा एक कार्यक्रमको आयोजना गर्दै टिजर सार्वजनिक गरिएको हो । रुपेश तामाङको निर्देशनमा देव मगर र अनुप गडाल निर्माता रहेको चलचित्रको टिजरमा एक्सनलाई समावेश गरिएको छ । पवन राना मगर कार्यकारी निर्माता रहेको यो चलचित्रका सह–निर्माता कमला लिम्बु, पन्च बहादुर तामाङ, श्रवण कुमार श्रेष्ठ र जीवन कुँवर हुन् ।

चलचित्रमा रविना थापा मगरको कथा, संजोग कुँवर रानाको पटकथा तथा संवाद, अर्जुन पोखरेल, नरेश जोशी र केदार राज नेपालीको संगीत, हरि बहादुर घलेको डीओपी, बन्दे प्रसादको सम्पादन, श्री श्रेष्ठको एक्सन छ ।

चलचित्रमा पूजाको साथमा नव–नायक कुन्साङ बोमजमको मुख्य भूमिका छ । जुना फिल्मस्को ब्यानरमा यो चलचित्र तयार भएको हो । चलचित्रमा अभिनेता कुन्साङको भूमिकाले पनि दर्शकलाई सरप्राइज दिन्छ । यो चलचित्रको एक साताको छायांकन दार्जिलिङमा गर्ने तयारी समेत निर्माणपक्षले गरेको छ । चलचित्रको प्रदर्शन मिति केही समयमा नै तय गर्ने निर्देशक तामाङले जानकारी दिएका छन् ।

परेश र अन्जुको ‘तिनपाने’ मा पुष्प र एलिसा (भिडियो)

काठमाडौँ। गायक परेश राईकाे नयाँ गीतको भिडियाे सार्वजनिक गरिएको छ । पुर्वेली भाकामा तयार भएकाे ‘तिनपाने रक्सी’ बाेलकाे गीमा परेशसंगै अन्जु पन्तकाे स्वर रहेकाे छ । सार्वजनिक गीतमा डिपि खनालकाे शब्द अनिल काेयी राईकाे संगित र राजु कार्किकाे एरेन्ज रहेकाे छ । परेश राईको अफिसियल च्यानलबाट सार्वजनिक भएकाे यस भिडियाेमा माेडलद्वय पुष्प खडका एलिसा राईकाे साथमा सुनिता देवान र साथिहरुकाे अभिनय रहेकाे छ । भिडियाेकाे नृत्य निर्देशकमा कमल राई छायांकनमा दिनेश पराजुली सम्पादनमा अमृत चापागाई र निर्देशन अनिल काेयी राईले गरेका हुन ।