Breaking News
सामाजिक कथामा बनेको ‘आफ्नो कथा आफ्नै व्यथा’

काठमाडौँ। केहि बर्ष पहिले सम्म टेलीसिरियल हेर्नको लागी टेलिभिजनमा समय कुरेर बस्नु पर्थ्यो,आजभोली प्रत्येक दिन दर्जन भन्दा बढी टेलीसिरियल यु ट्युबमा रिलिज हुने गर्दछन्। युट्युबमा आउने सिरियलले दर्शकको मन जित्ने गरेको छ। दर्शकहरुलाई यु ट्युबमा सिरियल हेर्ने बानी परे पछी नियमित सिरियल हेर्ने गरेका छन् र सिरियलले पनी राम्रो दर्शक पाए पछि यु ट्युब रोयल्टीबाट आम्दानी पनि राम्रै गर्ने गरेका छन्।

सामाजिक कथा बस्तुमा बनेको सिरियल ‘आफ्नो कथा आफ्नै व्यथा’ चौंथो भाग सम्मको प्रशारण भई सकेको छ। सिरियल सगुन इन्टरटेन्टमेन्ट नामक यु ट्युब च्यानल मार्फत नियमित प्रशारण भई रहेको छ। बाल कलाकारलाई मुख्य भुमिका बनाएर निर्माण गरिएको सिरियलको निर्माण सुरेन खड्गी र सृजना खड्गीले गरेका हुन्। ‘आफ्नो कथा आफ्नै व्यथा’ मा सृस्टी खड्गीको मुख्य भूमिका रहेको छ। खमेश श्रेष्ठको कथा तथा निर्देशन रहेको सिरियलमा सृस्टी खड्गीको साथमा समिर कार्की,प्रकाश तामाङ,सम्झना रंजितकार,आरजु श्री,मन्दिरा पोखरेल,माधब कार्की लगायतको अभिनय रहेको छ।

https://www.youtube.com/watch?v=7lWII_IjZ7M

अनुषा भइन दशौँ मिसेस हिमालयन नेपाल

काठमाडौँ। ओखलढुंगाकी अनुषा कार्कीले ‘मिसेस हिमालयन नेपाल २०२३’ को ताज पहिरीन सफल भएकी छिन् । हिमालयन मुभिज प्रोडक्सन हाउसद्वारा आयोजित आइतबार अपरान्ह राजधानीको म्युजिक सिटी स्टुडियोमा सम्पन्न कार्यक्रमको दसौँ संस्करणको बिजेता अनुषा बन्न पुगेकी हुन् । नेपाली सौन्दर्य प्रतियोगीताको इतिहासमा अनवरत सन्चालित कार्यक्रममध्ये एक मिसेस हिमालयन नेपाल विवाहित महिलाहरूको राष्ट्रिय स्तरको सौन्दर्य प्रतियोगीता हो । कार्यक्रमको फस्ट रनर अपमा अनिषा घजु र सेकेन्ड रनर अपमा राज्यलक्ष्मी कर्माचार्यले आफ्नो स्थान सुरक्षित राख्न सफल भएका छन् ।

सिनीयर फेसन कोरियोग्राफर हिमानी सुब्बाको कोरियोग्राफीमा सन्चालित सो कार्यक्रममा एक दर्जन प्रतियोगीहरूले दुइ साता सम्म ब्यक्तित्व विकास वोलीचाली अभ्यास, स्टेजको प्रस्तुती, क्याटवाक, वौद्धिक विकाश लगायतका विविध बिषयमा तालिम लिइ पारगत रुपमा आफुलाई स्टेजमा उतारेका थिए । स्टेजकी अभिनेत्री समेत रहेकी कोरीयोग्राफर सुब्बाले प्रतियोगीहरूलाई ‘मलाइ आँखैको परेलीमा’ बोलको गीतमा सुन्दर नृत्य समेत गराएकी थिइन । परिचय चरण, प्रश्नोत्तर चरण, लिखीत चरण र क्राउनिङ चरणहरूमा सम्पूर्ण प्रतियोगीहरूले आफुलाई प्रमाणित गर्ने कोशिस गरेका थिए ।

अभिनेता तथा चलचित्रकर्मी सिमान्त उदास, अभिनेत्री मोडल शुष्मा अधिकारी, मोडल तथा मिस्टर ह्यान्डसम नेपाल अभिषेक खड्का, मिसेस मंगोल नेपाल २०२३ सरीता गुरुङ निर्णायक मण्डल रहेको सो कार्यक्रममा कलाकारहरूले चिक्ताकर्षक नृत्य समेत प्रस्तुत गरेका थिए । कार्यक्रममा विविध सवटाइटलहरू समेत वितरण गरिएको थियो जसमा अनुषा कार्की मोस्ट एट्राक्टीभ, अनिषा घजु मोस्ट एयाक्टीभ, राज्यलक्ष्मी कर्माचार्य मोस्ट डाइनामिक, मोस्ट करिज्म्याटीक पन्चु लिम्बु, मोस्ट स्मार्ट रोज खड्गी, मोस्ट सिन्सियर मन्जीला राई, मोस्ट अनेष्ट शुष्मा रसाईली, मोस्ट इनर्जेटिक जयन्ति डंगोल, मोस्ट डिलिजेन्ट शुमित्रा तामाङ, वेष्ट फोटोजेनीक सुनु थापा, मोस्ट डिलाइटफुल कृष्णा श्रेष्ठ, मोस्ट पपुलर पन्चु लिम्बु, पब्लिक च्वाईस भिडियो अवार्ड मन्जीला राईले हात पार्न सफल भएका थिए । विवाहित महिलाहरूको क्षमता, प्रतिभा उजागर गर्ने उद्देश्यले कार्यक्रम संचालन गरिएको आयोजक पक्षले जनाएको छ । कार्यक्रमको सन्चालन रोजिन शाक्यले गरेका थिए ।

एशियाली गेममा स्वर्ण पदक विजेता खेलाडी कार्कीलाई सम्मान

काठमाडौँ। एशियाली गेममा स्वर्ण पदक विजेता खेलाडी किशोर कार्कीलाई एक कार्यक्रमका बीच सम्मान गरिएको छ। कार्कीले मसल मेनिया,एसियन लेभल अन्तररास्ट्रीय बडीबिल्डिंग कम्पिटिसनमा नेपालका लागी स्वर्ण पदक जितेका हुन्। राजधानी काठमाडौँमा एक कार्यक्रमका बीच प्रमुख अतिथि युवा तथा खेलकुद मन्त्री श्री डिगबहादुर लिम्बुले कार्कीलाई सम्मान गरेका हुन्। खरेल अर्गनाइजेसनको आयोजनमा भएको कार्यक्रममा थुप्रै खेलाडी तथा पत्रकारहरुको उपस्थिति रहेको थियो। केहि दिन अघि भारतमा सम्पन्न एशियाली गेममा १६ रास्ट्रका खेलाडीहरुको सहभागिता रहेको थियो।

खेल र खेलाडीको लागि संधै केही न केही गरि रहने योजना अनुसार खरेल अर्गनाइजेसनले विभिन्न इभेन्टहरु गरि रहने गर्दछ । ‘नेपाली खेलाडीले धेरै नै परिश्रम र मेहनतले गर्दा नै अन्तर्राष्ट्रिय प्रतियोगितामा सफलता प्राप्त गर्ने गरेका हुन्’ सज्ञान खरेलले कार्यक्रममा बोल्ने क्रममा बताए । लामो समय देखि खेल क्षेत्र संगै विभिन्न सामाजिक कार्यमा पनि सक्रिय रहेको खरेल अर्गनाइजेसनले खेलाडीहरुको प्रोत्साहनका लागि थुप्रै कार्यहरु गर्दै आइ रहेको छ।

प्रमुख अतिथि युवा तथा खेलकुद मन्त्री श्री डिगबहादुर लिम्बुले कार्यक्रममा बोल्दै खेल क्षेत्र र खेलाडीको लागी काम गर्नको लागी मन्त्रालय संधै तत्पर रहेको बताए। उनले भने ‘ खेलाडीलाई सुबिधा दिने नीति अपुरो रहेछ,आफू मन्त्री भएर आएपछि नीति संसोधन गर्ने काम भएको र खेल संग सम्बन्धित संघका पधाधिकारीहरुले मन्त्री र मन्त्रालयलाई घचघचाई रहनु पर्ने बताए । सबै मिलेर गर्‍यो भने खेल क्षेत्रमा धेरै गर्न सकिने रहेछ सरकारले मात्र गरेर नसकिने रहेछ उनले बताए । बिस्तारै नेपाली खेल क्षेत्रले फड्को मार्दै गएको र खेलाडीले पाउनु भएको दुख र समस्याको बारेमा मन्त्रालयमा सुझाव दिन उनले अनुरोध पनि गरे ।

उदय सुब्बा निर्देशित चलचित्र ‘दुई कदम’ को ट्रेलर सार्वजनिक

काठमाडौँ। उदय सुब्बा निर्देशित चलचित्र ‘दुई कदम’को ट्रेलर सार्वजनिक गरिएको छ । बुधबार राजधानीमा आयोजित एक कार्यक्रमका बीच सार्वजनिक २ मिनेट ३ सेकेण्ड लम्बाईको ट्रेलरमा एक जोडीको प्रेममा आउने उतार-चढाव र लिम्बु संस्कारलाई प्रस्तुत गरिएको छ ।

चलचित्रको सार्वजनिक ट्रेलरको सुरुवातमा रहेको इओन लिम्बु र सिमोन गिरीको बाइक यात्रा र नोकझोंकका दृश्यले दर्शकमाझ कौतुहल्ता पैदा गर्ने देखिन्छ । चलचित्रमा इओन र सिमोनका अलावा गौरव पहारी, विमला लिम्बु, सुनिल थापा, कविता आले, सुरवीर पन्डित, प्रेम सुब्बा, बुद्धि तामाङ, अर्जुन गुरुङ, जीवन लिम्बु, चन्दा दाहाल, प्रितिका शर्माको अभिनय छ ।

चलचित्रको एक गीतमा विल्सन विक्रम राई, वर्षा सिवाकोटी र गीता ढुंगानाले पनि नृत्य गरेका छन् । अजम्बरी फिल्मस्को ब्यानरमा निर्माण भएको चलचित्रमा तारा देवी लिम्बुको लगानी छ । पूर्वको धनकुटा, तेह्रथुमको वसन्तपुर, इलाम, झापा र धरानमा खिचिएको चलचित्रको एक गीत मुस्ताङमा छायांकन गरिएको छ ।

चलचित्रमा विक्रम डिसीको छायांकन, दयाराम घिमिरेको कथा तथा पटकथा, ताराप्रकाश लिम्बु, विकास चौधरी र आशिष अविरलको संगीत, डिपी खनालको गीत लेखन, रामजी लामिछाने र कविराज गहतराजको कोरियोग्राफी, राजु किराँतीको द्वन्द्व निर्देशन र प्रविन ढकालको सम्पादन छ । चलचित्रलाई रिच इन्टरटेनमेन्ट र एफडी कम्पनिले वितरण गर्दैछन् ।