एभरेस्ट एफएमको रक्तदानमा १५१ युनिट रगत संकलन

पोखरा । एभरेस्ट मिडिया हाउस प्रालिको आयोजनामा आज पोखरामा भएको बृहद रक्तदान कार्यक्रममा १५१ युनिट रगत संकलन भएको छ । एभरेस्ट मिडिया हाउस प्रालिद्वारा सञ्चालित एभरेस्ट एफएम र एभरेस्ट आवाज डटकमको संयुक्त आयोजनामा ‘म त रक्तदान गर्दैछु, तपाईं नि ? भन्ने नारासहित आज रेडियो प्राङ्गण पोखरा–५ प्रस्याङमा भएको रक्तदान कार्यक्रममा १२७ जना पुरुष र २४ जना महिलाले रक्तदान गरेका हुन् ।

रक्तदान कार्यक्रममा १६ जना पहिलो रक्तदातासमेत सहभागी भएको एभरेस्ट मिडिया हाउसले जनाएको छ । रक्तदान कार्यक्रममा जिल्ला प्रहरी कार्यालय कास्की, सशस्त्र प्रहरी बलको कालिका गण मालेपाटन, एवन ग्रेटर नेपाल यातायात प्रालि, बालकल्याण संस्था, शितलाज्योति युवा क्लव पोखरा–१२, टिम महादेव गुरुङ, ईम्पावर हेल्थ केयर प्रालिलगायतका संघसंस्थाहरुको संस्थागत सहभागिता रहेको थियो ।

रक्तदान कार्यक्रममा माछापुच्छ«े–३ घाचोकका दुर्गाप्रसाद घोरासैनीले ५९ औं पटक, पोखरा नयाबजारका शम्भुलाल श्रेष्ठले ५५ औं पटक, पोखरा–१४ का राजेश तण्डुकारले ५४ औं पटक, पोखरा लेकसाईडका बिजयकुमार प्रधानले ४४ औं पटक, नागरिक समाजका संस्थापक अध्यक्ष रामबहादुर पौडेलले ४१ औं पटक, पोखरा १ बगरका अनिल शाक्यले ४१ औं पटक, पोखरा-४ का लोकेन्द्रदीप शाक्यले ४० औं पटक, पोखरा–१५ का सुजन प्रधानले ३९ औं पटक, पोखरा–८ का निश्चल खरेलले ३८ औं पटक, भारत घर भई पोखरा बस्ने मुन्नाकुमार ठाकुरले ३७ औं पटक, पोखरा–१७ विरौटाका विक्रम रानाभाट र खिमराज आचार्यले ३६ औं पटक रक्तदान गरेका थिए ।

यसअघि रक्तदान कार्यक्रमको नेपाल रेडक्रस सोसाइटी कास्कीकी सभापति उर्मिला खड्काले पहिलो रक्तदाता नेपाल पत्रकार महासंघ कास्कीका अध्यक्ष माधव बराललाई ब्लड ब्याग हस्तान्तरण गरेर उद्घाटन गरेका थिए । उद्घाटन कार्यक्रममा बोल्दै उनले रक्तदान गरेर जीवन बचाउन सकिने बताईन् ।

रक्तसञ्चार केन्द्र पोखराका प्रमुख अर्जुन ज्ञवालीले रक्तदान गर्दा रक्तदान गर्नेलाई पनि फाइदा हुने र अरुको जीवन पनि बचाउन सकिने बताए । एभरेस्ट मिडिया हाउसले रक्तदानसँगै सचेतना कार्यक्रम गरेर समाजमा रक्तदानप्रतिको धारणा सकारात्मक बनाउन महत्वपूर्ण भूमिका खेलेको भन्दै उनले एभरेस्ट मिडियाको प्रशंसा गरे ।

नेपाल पत्रकार महासंघ कास्कीका अध्यक्ष माधव बरालले रक्तदान सबैभन्दा पूण्य काम भएको बताए । उनले रगतको विकल्प रगत मात्र भएकाले रगत आपूर्तीको एकमात्र माध्यम रक्तदान नै भएको बताए ।

एभरेस्ट मिडिया हाउसका प्रमुख/सम्पादक दीपेन्द्र श्रेष्ठले आफू स्वस्थ रहेको प्रमाणित गर्दै अर्काको जीवन बचाउने अभियान अन्तर्गत रक्तदान कार्यक्रम गरिएको बताए । संस्थागत सामाजिक उत्तरदायित्व अन्तर्गत रक्तदान कार्यक्रम आयोजना गरिएको उनले प्रष्ट्याए । उनले रक्तदानमा सहभागी सम्पूर्णलाई धन्यवादसमेत ज्ञापन गरे ।

रक्तदान कार्यक्रममा रक्त सञ्चार केन्द्र पोखराको प्राविधिक सहयोग रहेको थियो ।

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20072, citypokhara.com

अनमोलको चलचित्र ‘बाटुलो जून’ शुभसाइत

‘ऊनको स्वीटर’ सिक्किममा भव्य प्रिमियर, आजदेखि भारतभर प्रदर्शन

दलित आयोगको प्रतिवेदन गण्डकी प्रदेश प्रमुख समक्ष पेस

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20069, citypokhara.com

कोरियन एस्थेटिक ‘लेट मि इन’ को शाखा पोखरामा नीति शाह र सिसन बानियाँले गरे उद्घाटन,१० दिनसम्म ३५ प्रतिशत छुट

पोखरा ।
स्किन केयरका लागि स्थापित कोरियन एस्थेटिक ‘लेट मि इन’ ले पोखरामा शाखा विस्तार गरेको छ । चिप्लेढुंगामा रहेको पोखरा टे«ड मलको चौंथो तलामा शुक्रबारदेखि शाखा सञ्चालनमा आएको हो । ‘लेट मि इन’ को उद्घाटन कलाकार नीति शाह, डिजिटल कन्टेन्ट क्रियटर तथा भ्लगर सिसन बानियाँ र प्रबन्ध निर्देशक लि मिन क्योङले गरे ।

काठमाडौंको बानेश्वर र महाराजगञ्जपछि पोखरामा यो तेस्रो शाखा हो । शाखा उद्घाटनमा नायिका नीति शाहले ‘लेट मि इन’ को सेवाबाट आफू प्रभावित भएको बताइन् ।

लेट मि इनको ब्रान्ड एम्बास्डर समेत रहेकी उनले कोरियन स्किन प्रडक्ट विश्वबजारमा चम्किरहेको अवस्थामा नेपालीका लागि पनि उपयुक्त हुने बताइन् । ‘लेट मि इनको सेवा मात्रै राम्रो छैन, प्रविधि र उपकरणमा पनि अब्बल छ,’ उनले भनिन्, ‘ब्रान्ड एम्बेस्डरको रुपमा मात्रै होइन, एक उपभोक्ताको रुपमा पनि खुसी छु ।’

भ्लगर सिसन बानियाँले विश्वव्यापी रुपमा प्राप्त हुने सुविधा अब पोखरामा आएको बताए । उनले लेट मि इनसँगको आफ्नो अनुभव उत्कृष्ट रहेको बताउँदै यहाँ प्राप्त हुने सेवाले आत्मविश्वासी बनाउने उल्लेख गरे । कोरियन एस्थेटिकका प्रबन्ध निर्देशक मा दोङ सोले सफा, सुन्दर र शान्त वातावरणमा उत्कृष्ट उत्पादनको प्रयोग गर्ने उद्देश्यले शाखा विस्तार गरेको बताए ।

‘यो मानिसलाई सुन्दर बनाउने कुरा मात्रै होइन, त्यसभन्दा एक कदम अगाडि बढेर सेवा दिन पनि आएका हौं,’ पोखरामा आउनुको कारणबारे उनले भने, ‘उपभोक्तालाई खुसी बनाउनु हाम्रो लक्ष्य हो ।’ उनले काठमाडौंमा जत्तिकै सेवा सुविधा पोखराको शाखामा पनि उपलब्ध हुने जानकारी गराए । भने, ‘अनुसन्धानपछि आएका नयाँ–नयाँ प्रविधि भित्र्याउने हाम्रो लक्ष्य छ ।’

कम्पनीका प्रमुख कार्यकारी अधिकृत शिवराम तिवारीले स्किन केयरका लागि लेट मि इन उत्कृष्ट रोजाइ हुने बताए । कम्पनीका कन्ट्री म्यानेजर विनोद सुवेदीका अनुसार झण्डै ४ करोड रुपैयाँको लगानीमा पोखरा शाखा सञ्चालनमा आएको हो ।

पोखरा शाखामा हाल डाक्टर, नर्स सहित १५ कर्मचारी कार्यरत छन् । बानेश्वर, महाराजगञ्ज र पोखरा समेत गरी ७५ जनाले रोजगारी पाएका छन् । उनले स्किन केयरका लागि लेट मि इनमा जत्तिकै उपकरण अन्यत्र नभएको उल्लेख गरे ।

पोखरा शाखामा कार्यरत नर्स सदिक्षा थापाले शाखा सञ्चालनको अवसरमा नोभेम्बर ३० सम्म डाक्टर परामर्श निःशुल्क गरिएको र अन्य सेवामा ३५ प्रतिशतसम्म छुटको व्यवस्था गरिएको जानकारी दिइन् ।

कोरियन सौन्दर्य सामग्रीमा एउटा किन्दा अर्को सित्तैमा दिने अफर पनि यही अवधिमा रहेको उनले सुनाइन् । उनका अनुसार पोखरा शाखाबाट हेयर ट्रान्सप्लान्ट, हेयर रिडक्सन ट्रिटमेन्ट, फेसियल्स, एन्टी एजिङ ट्रिटमेन्ट, स्कार ट्रिटमेन्ट, हेयर रेस्टोरेसन ट्रिटमेन्ट, टाटु रिमुभल, डन्डिफोर, कालोपोतो लगायतको उपचार, हाइपरबेरिक अक्सिजन थेरापी लगायत सेवा प्रदान हुन्छ ।

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20066, citypokhara.com

आयोजित बैंक तथा वित्तिय संस्थासंगको अन्तरक्रिया तथा छलफल कार्यक्रम सफलतापूर्वक सम्पन्न भएको छ ।

पोखराको लेकसाइडमा आयोजित बैंक तथा वित्तिय संस्थासंगको अन्तरक्रिया तथा छलफल कार्यक्रम सफलतापूर्वक सम्पन्न भएको छ ।
नेपाल बीमा प्राधिकरण गण्डकी प्रदेश पोखराको आयोजनामा सञ्चालन भएको अन्तरक्रिया कार्यक्रमका अध्यक्षता बीमा प्राधिकरणका निर्देशक तथा सुपरिवेक्षण महाशाखा प्रमुख धु्रव तिमिल्सिनाले गर्नुभएको थियो । प्रमुख अतिथिमा नेपाल राष्ट्र र्बैकका निर्देशक तथा गण्डकी प्रदेश प्रमुख केशव प्रसाद तिमिल्सिनाको उपस्थिति रहेको सो कार्यक्रममा नेपाल इन्स्योरेन्स प्रोफेसनल सोसाइटि पोखरा च्याप्टर , नेपाल इन्स्योरेन्स सर्भेयर एसोसियसन पोखरा च्याप्टरका प्रतिनिधि त्यस्तै नेपाल बैंकर एसोसियसन पोखरा च्याप्टरका संयोजक तथा आर्थिक मामिला मन्त्रालयका प्रतिनिधिहरुले कार्यक्रममा सहभागिता

जनाउनुभएको थियो भने बैंक तथा वित्तिय संस्थासंग छलफल कार्यक्रममा कर्मचारी सञ्चय कोष , नागरिक लगानी कोष पोखरा शाखा प्रमुखहरुको उपस्थिति रहेको थियो । उक्त कार्यक्रममा बीमा सवलीकरणमा बैंक तथा वित्तय संस्थाको भूमिकाप्रति नेपाल बीमा प्राधिकरण गण्डकी प्रदेश प्रमुख शम्भु प्रसाद मिश्रले आफ्नो प्रस्तुतिकरण राख्नुभएको थियो । आफ्नो प्रस्तुति राख्ने क्रममा मिश्रले बीमा कम्पनी बैंक तथा वित्तिय संस्थाले नागरिकप्रति जिम्मेवार पारदर्शी र विश्वास जगाउने ढंगले कार्य गर्नुपर्ने बताउनुभयो । उहाँले कार्यक्रमलाई अगाडी बढाउदै भन्नुभयो , नागरिकको धन सम्पत्ति जीवन र भविष्यसंग सरोकार हुने भएकोले हामीले पालना गर्नुपर्ने नियमलाई विशेष ख्याल राख्नुपर्ने उल्लेख गर्नुभयो ।

बीमा सम्बन्धि गुनासा अझ बढी आओस् भन्ने मेरो चाहना छ किनकि नागरिकको गुनासाले हामीलाई थप कर्तव्यबोध गराउँछ भन्नुभयो । उहाँले बीमा र बैंकको भुमिका नङ र मासुको जस्तो सम्बन्ध हुने भएकोले यहाँहरुको रचनात्मक सुझावको सधै पर्खाइमा रहेको बताउनुभयो ।

कार्यक्रममा सहभागि वक्ताहरुले बीमाप्रति उठेका जिज्ञासाहरु राखेका थिए । विशेषगरि नीतिगत प्रोत्साहन कमजोर र नियमन अस्पष्ट हुँदा तरकारी बाली तथा माछापालन बीमाको दायरामा किसान नहुनुमा उच्च जोखिम तथ्यांक अभाव नीतिगत समर्थन कम किसानको जानकारी अभाव दाबी प्रक्रिया जटिल जस्ता कामहरु मुख्य कारक तत्त्व भएको बताए । जिज्ञासा राख्ने क्रममा मत्स्य पालनमा प्राविधिक , जोखिम जस्तो पानीको गुणस्तर बिग्रनु , रोग फैलनु , अक्सिजन कम हुनु , बाढी पहिरो जस्ता जोखिम हुने भएकाले बीमा कम्पनीहरुले कठिन मान्ने तथा दाबीको यथार्थ पनि जटिल ह्ुने भएकोले बीमा विस्तार गर्न हिच्किचाहट भएको बताएका थिए । त्यस्तै प्रिमियम किसालाई महंगो लाग्ने तरकारी र माछामा जोखिम उच्च भएकोले प्रिमियम पनि अपेक्षाकृत नभएको बताएका थिए ।

दाबी प्रक्रिया झन्झटिलो भनि बुझिने क्षतिग्रस्त बाली माछा प्रमाणीत गर्न समय र कागजी प्रक्रिया लामो हुने त्यसैले किसानको आत्मबल घटेको र बीमाबाट टाढा भएको बताएका थिए ।

बीमाको दायरामा आउन नसक्नुको कारण नीतिगत , प्राविधक पहुँच सम्बन्धि र व्यवहारगत पक्षसंग जोडिएको हुन्छ त्यसैले आउँदा दिनहरुमा नेपाल बीमा प्राधिकरणले विशेषगरि किसानको गुनासोलाई यथोचित सम्बोधन गर्नुपर्ने औल्याए ।
नेपाल बीमा प्राधिकरणलाई रचनात्मक कार्यक्रम राखेको हुँदा वक्ताहरुले शुभकामना तथा धन्यवाद ज्ञापन गरेका थिए ।
समग्रमा बीमा , बैंक र वित्तिय संस्था नागरिकप्रति विश्वसनीय , पारदर्शी , पहुँच , योग्य र उत्तरदायि हुनुपर्छ , त्यसैले नागरिकको आर्थिक सुरक्षालाई प्राथमिकता दिएर सेवा संचालन गरे मात्र विश्वास र वित्तिय स्थिरता मजबुत बन्ने बताएका थिए ।

‘हर्ष’लाई दर्शकले मन पराउनेमा निर्देशक एकता विश्वस्त, भन्छिन् “यो हरेक परिवारको आफ्नै कथा हो”

एसराज र ऋचाको अनस्क्रिन केमिस्ट्री‘लोकन्ती’ टिजर सार्वजनिक

‘किन लाग्छ माया’ फस्ट लुक सार्वजनिक, चैत्र ६ गतेदेखि विश्वव्यापी रिलिज

नेपाल वन प्राविधिक सङ्घको स्थापना दिवस:’जेहेन्दार वन प्राविधिक पुरस्कार घोषणा’

पाेखरा ।
जेहेन्दार वन प्राविधिक पुरस्कार अबदेखि गण्डकीमा नियमित रूपमा प्रदान गरिने भएको छ। नेपाल वन प्राविधिक सङ्घको ५२ औँ स्थापना दिवसका अवसरमा वन विज्ञान अध्ययन संस्थान पोखराबाट उत्कृष्ट अंक ल्याउने विद्यार्थीलाई २०८३ सालदेखि ‘जेहेन्दार वन प्राविधिक अक्षय कोष’बाट पुरस्कार दिने घोषणा गरिएको हो। सो कोष क्याम्पसकै नाममा स्थापना गरिएको छ र पुरस्कार कोषको ब्याजबाट दिइनेछ।

यसै अवसरमा गण्डकी प्रदेशमा कार्यरत वन कर्मचारी तथा प्राविधिकमध्येबाट पनि दुई जना उत्कृष्ट छनोट गरिने छ । वनरक्षकदेखि रेन्जर तहसम्म एक जना र अधिकृत तहदेखि माथि एक जना । उत्कृष्ट उपाधि पाउने व्यक्तिलाई आगामी आर्थिक वर्षदेखि ५ हजार रुपैयाँ र प्रमाणपत्र प्रदान गरिने निर्णय गरिएको छ  ।

स्थापना दिवसको अवसरमा आयाेजित कार्यक्रममा मन्त्री भेषबहादुर पौडेल, सचिव मोहनराज काफ्ले, क्याम्पस प्रमुख नारायण प्रसाद गौतम, प्राध्यापकहरू तथा कस्केली वन प्राविधिक समाजका अध्यक्ष तथा पूर्व वन निर्देशक रामकाजी श्रेष्ठलगायतका वन प्राविधिकहरुको उपस्थिति रहेकाे थियो।

वन तथा वातावरण मन्त्रालय गण्डकी प्रदेशको सभा हलमा प्रदेश कमिटीका अध्यक्ष गणेशबहादुर कार्कीको अध्यक्षतामा आयाेजित कार्यक्रमकाे सञ्चालन कोषाध्यक्ष मदन सुवेदीले गरेका थिए।

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20059, citypokhara.com