Breaking News
मैथिली र नेपाली भाषामा ‘आरती’को ट्रेलर सार्वजनिक

काठमाडौँ । जघन्य अपराध बलात्कार र महिला हिंसामाथि आधारित वेबसिरिज ‘आरती’को ट्रेलर सार्वजनिक गरिएको छ। ट्रेलर मैथिली र नेपाली गरी दुईवटा भाषामा रिलीज गरिएको छ।

सिरिजमा नूतन, राज पौडेल, गीता श्री, लक्ष्मण अधिकारी, मनिषा गिरी, शिव कुर्मी, दीप नारायण शर्मा, हरि प्रसाद कडेल र संसार अधिकारीको प्रमुख अभिनय रहेको छ। रोशन दासको कथा र निर्देशन रहेको छ भने कथा लेखन हिक्मत शर्माले गरेका छन् ।

मैथिली भाषामा नैरेशन र संवाद-अनुवाद विद्यानन्द बेदर्दीले गरेका हुन् भने डब्बिङ्ग स्वर सरोज खिलाडी, राम भजन कामत, कृष्ण कुमार महतो, गीता श्री, अनन्त अनुराग, गजेन्द्र गजुर, गायत्री सिंह, शिवम मिश्रा, रोशन साह, रूपा यादव र रवि शर्माको रहेको छ। सिरीजलाई नितेश घतानले खिचेका हुन् भने कवीर ओडले सम्पादन गरेका छन् । आशिष दास निर्माता र राकेश शाह क्रियटिभ निर्माता रहेका छन्।

https://www.youtube.com/watch?v=k_C1sHVkpEk

‘महाराजधिराज’ निर्माणको घोषणा

काठमाडौं । निर्देशक परिच्छेद सेनले नयाँ चलचित्र निर्माणको घोषणा गरेका छन् । घटस्थापनाको अवसर पारेर चलचित्र ‘महाराजधिराज’ निर्माणको घोषणा गरिएको हो । परिच्छेदकै लेखन रहेको यो चलचित्रका प्रस्तुतकर्ता बिराज बिष्ट हुन् । टोपेन्द्र बिष्टको लगानीमा तयार हुने चलचित्रले रोमान्टिक तथा सामाजिक कथा प्रस्तुत गर्ने निर्देशक सेनले जानकारी दिएका छन् ।

छत्रेश्वरी म्यानेजमेन्ट प्रालीको ब्यानरमा निर्माण हुने चलचित्रको निर्माण घोषणासँगै प्रदर्शन मिति पनि तय गरिएको छ । चलचित्रलाई वि.सं २०८१ सालको तिहारमा रिलिज गर्ने घोषणा निर्माणपक्षले गरेको हो ।

चलचित्र ‘दुई कदम’ को टिजर सार्वजनिक

चलचित्र ‘दुई कदम’ को टिजर सार्वजनिक
काठमाडौँ। उदय सुब्बाको निर्देशनमा निर्माण भएको चलचित्र ‘दुई कदम’ को टिजर सार्वजनिक गरिएको छ । आइतबार दशैंको घटस्थापनामा सार्वजनिक गरिएको टिजरमा डेव्यु अभिनेता इओन लिम्बु र डेव्यु अभिनेत्री सिमोन गिरीबीचको प्रेम, रोमान्स र द्धन्द्वलाई प्रस्तुत गरिएको छ ।

आगामी मंसिर २९ गतेबाट रिलिज हुने चलचित्रको सार्वजनिक टिजरमा अभिनेता सुनिल थापा, कविता आले, सुरवीर पन्डित, प्रेम सुब्बा र गौरव पहारीलाई स्थान दिइएको छ । अजम्बरी फिल्मस्को व्यानरमा निर्माण भएको चलचित्रमा तारा देवी लिम्बुको लगानी रहेको छ । चलचित्रमा बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको अभिनय रहेको छ ।

चलचित्रको एक गीतमा अभिनेता विल्सन विक्रम राईले पनि विशेष भुमिका निवार्ह गरेका छन् । मुस्ताङमा एक गीतको छायांकन गरिएको सिनेमाको बाँकी छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको छ । चलचित्रलाई रिच इन्टरटेनमेन्ट र एफडी कम्पनिले वितरण गर्दैछन् ।