Breaking News
‘प्रसाद २’ विवादमा ओएसआरले भन्यो- डिजिटल राइट्स खरिद गरी रकम भुक्तानी गरिसकिएको छ

काठमाडौं । डिजिटल कम्पनी ओएसआरले ‘प्रसाद २’ का अघिल्ला दुई निर्मातासँग सम्झौता गरी डिजिटल प्रसारण अधिकार लिएको जनाएको छ । चलचित्रलाई लिएर भइरहेको पछिल्लो विवादमा कम्पनीले विज्ञप्तिमार्फत औपचारिक प्रतिक्रिया दिएको हो ।

२०७६ चैत ९ गते सुभाष थापा प्रोडक्सनसँग करार र त्यसपछि सुलभ थापा प्रोडक्सनसँग पुरक सम्झौता गरेर डिजिटल प्रसारण अधिकार लिएको कम्पनीले जनाएको छ । ‘यो परिस्थितिमा हाल आएर नयाँ कम्पनीले जाहेरी दर्ता गराएको अवस्था छ,’ ओएसआरले विज्ञप्तिमा भनेको छ ।

चलचित्रका नयाँ निर्माताद्धय सुदर्शन बस्नेत र ज्याक श्रेष्ठको उजुरीका आधारमा प्रहरीमा शुक्रबार ओएसआर सञ्चालक ओमप्रकाश अग्रवाललाई पक्राउ गरेको थियो । बोलाएको बेला उपस्थित हुने हाजिर जमानीको सर्तमा आइतबार बेलुका अग्रवाल हिरासतमुक्त भएका छन् ।

आफूहरुको मञ्जुरीबिना देश तथा विदेशमा चलचित्रको प्रसारण गरी एक करोड ५० लाख रुपैयाँ ठगी गरेको भन्दै बस्नेत र श्रेष्ठले ओएसआर सञ्चालक अग्रवाल, निर्देशक सुदर्शन थापा र सम्पादक मिलन श्रेष्ठविरुद्ध आपराधिक विश्वासघातको जाहेरी दिएका थिए । जसअनुसार थापा र श्रेष्ठविरुद्ध पक्राउ पुर्जी जारी भइसकेको छ ।

पछिल्लो विवादमा ओएसआरले भनेको छ, ‘उक्त जाहेरीका विषयमा प्रहरीबाट अनुसन्धान हुँदै गरेको अवस्था छ भने पछि न्यायालयबाट अन्तिम टुंगो लगाई न्याय मिल्ने कुरामा हामी विश्वस्त छौं ।’

‘प्रसाद २’ फिल्मका निर्माता सुभाष थापाविरुद्ध अर्का निर्माता केशव पाण्डेले मुद्दा हालेपछि उनी यतिबेला फरार छन् । उनी अष्ट्रेलियामा रहँदै आएको बताइन्छ । पाण्डेको उजुरीमा प्रहरीले थापाविरुद्ध पक्राउ पुर्जी जारी भएको थियो । जसकारण निर्माताको अनुपस्थितिमै चलचित्र रिलिज भएको थियो ।

पाण्डे फिल्मबाट बाहिरिएपछि नयाँ निर्माताको रुपमा सुदर्शन बस्नेत भित्रिएका हुन् । बस्नेतले निर्माताको रुपमा फिल्मको पुरानो हिसाबकिताब खोजेपछि विवाद उत्पन्न भएको हो । निर्माताबीचको लेनदेनको चेपुवामा डिजिटल कम्पनी परेको देखिन्छ । डिजिटल राइट्स खरिदको सम्झौता गरी करार बमोजिम रकम भुक्तानी गरेको ओएसआरले बताइसकेको छ ।

एक्सिस व्याण्डले ल्यायो ६ वर्षपछि नयाँ गीत ‘पाइला’

काठमाडौं । सांगीतिक व्याण्ड एक्सिसले ६ वर्षपछि नयाँ गीत ‘पाइला’ सार्वजनिक गरेको छ । व्याण्डले आफ्नो अफिसियल युट्युब च्यानलबाट आइतबार यो गीत सार्वजनिक गरेको हो ।

व्याण्डले पोजेटिभ भाइब्स इन्टरटेनमेन्ट नेटवर्क प्रालि(पीभीई नेटवर्क)को प्रस्तुतीमा यो गीत बजारमा ल्याएको हो । व्याण्डले यो गीतसँगै ‘एक्लो जीवन’, ‘पैसा’ र ‘विस्तारै’ बोलको गीत पनि तयार पारेको छ ।

गीत ‘पाइला’मा व्यक्तिलाई हार नमानी जीवनमा अगाडि बढ्न प्रेरित गरिएको छ । त्यस्तै ‘एक्लो जीवन’ र ‘विस्तारै’ प्रेम भावका गीत हुन् । ‘पैसा’ मा भने जीवनमा पैसाको महत्व, पैसा र पैसाको शक्तिले मानिसले कसरी रंग फेर्छ भन्ने अथ्र्याइएको छ ।

व्याण्डमा सन्दिप विश्वकर्मा (भोकलिष्ट), राजीव खड्का र निखिल सिकर्मी (गितार), सजिन महर्जन(बेशिष्ट) र अमूल्य श्रेष्ठ (ड्रम) छन् ।

यो व्याण्डले यसै वर्ष नेपाल, भारत र अष्ट्रेलियाको टुर गर्दैछ । नेपालमा यसले आगामी बिहीबार पोखराको किङ्स लाउन्ज, शुक्रबार चितवन गार्डेन रिसोर्ट र शनिबार द कन्सेप्टमा कन्सर्ट गर्दैछ ।

शिल्पा र विनयको ‘लभ सूत्र’ को टिजर सार्वजनिक (भिडियो)

काठमाडौँ। पछिल्लो समय नेपाली डिजिटल मार्केटमा ओटीटी प्लेटफर्मको आवश्यकताको चर्चा भइरहँदा कान्तिपुर फिल्म एकेडेमीले यही दसैबाट स्ट्रिमीङ सुरु गर्न लागेको छ । ओटीटीका लागि कान्तिपुर सिनेमाजले केही हप्ता अगाडी नेपाली ओरिजीनल सिरिज भनेर ब्रह्माण्ड र मिस स्कार्लेटको टिजर सार्वजनिक गरेको थियो ।

कान्तिपुर सिनमाजले शिल्पा मास्के, विनय श्रेष्ठ, संजोग कोइराला, सजन श्रेष्ठ, संजोग रसाइली र रवीन्द्र झा स्टारर सिरिज ‘लभ सूत्र’को टिजर र फस्टलुक सार्वजनिक गरेको छ । सार्वजनिक ३७ सेकेन्डको फस्ट लुक टिजर र कलाकारको लाइनअप हेर्दा सिरिज रोमान्टिक लभ स्टोरी र कमेडी बनेको देख्न सकिन्छ । भि मोसन पिक्चर्स र ओएसआर डिजिटलले मिलेर बनाएको सिरिजलाई निरोज महर्जनले निर्देशन गरेका हुन् ।

३० देखी ४० मिनेटको ५ वटा एपीसोडकोे यस सिरिजको फुल ट्रेलर यही असोज २९ गते सार्वजनिक हुने र त्यही दिनबाट संसार भरबाट सब्स्क्रीप्सन लिएर मोबाइल फोन, वेव र स्मार्ट टिभीमा सिरिज हेर्न मिल्ने बताइएको छ ।

कान्तिपुरको ओटीटीले सार्वजनिक गरेको कन्टेन्टको टिजरहरु हेर्दा केही फरक फरक जनराको स्टोरीहरू हेर्न पाइन्छ जस्तो देखिएको छ । यसरी बिग स्केलमा ओटीटी प्लेटफर्म आउँदा पक्कै पनि हलको पहुँच नभएका दर्शकलाई नयाँ नयाँ फिल्महरू हेर्न पाउने र फिल्मको डिजिटल बजार बढ्ने कुरामा कान्तिपुर फिल्म एकेडेमी आशावादी रहेको छ ।

‘पशुपति प्रसाद २ : भष्मे डन’को ट्रेलर सार्वजनिक

काठमाडौँ। आगामी कार्तिक ४ अर्थात बडादशैंको फूलपातीको दिनबाट प्रदर्शनको तयारीमा रहेको चलचित्र ‘पशुपति प्रसाद २ : भष्मे डन’को ट्रेलर सार्वजनिक गरिएको छ । राजधानी काठमाडौँमा एक कार्यक्रमका बीच ट्रेलर सार्वजनिक गरिएको हो। सार्वजनिक ट्रेलरमा चलचित्रका सम्पूर्ण मुख्य कलाकारलाई स्थान दिइएको छ।

दर्शकमाझ प्रतिक्षित रहेको चलचित्रले ‘पशुपति प्रसाद’को मृत्यु पश्चात पशुपति क्षेत्रमा आफ्नो अस्तित्व स्थापित गर्न संघर्षरत ‘भष्मे डन’को जीवनमा एउटा रोमाञ्चक पात्रको प्रवेशपछि सुरु भएको परिचय र आत्मसम्मानको लागि गर्ने शक्ति संघर्षको कथामा निर्माण गरिएको हो ।

दीपेन्द्र के खनालको निर्देशनमा निर्माण भएको चलचित्र ‘पशुपति प्रसाद २ : भष्मे डन’मा विपिन कार्की, स्वस्तिमा खड्का, सौगात मल्ल, रविन्द्र सिंह बानियाँ, माओत्से गुरुङ, प्रकास घिमिरे, लोकेन्द्र लेखक, मिस्श्री थापा, सजन थापा मगर, विभु पौडेल, प्रकाश दाहालको पनि अभिनय रहेको छ ।

टुकी आर्ट्सको ब्यानरमा निर्माण भएको चलचित्रलाई निर्माता तथा अभिनेता खगेन्द्र लामिछानेले लेखेका हुन् । निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाजको संगीत रहेको छ ।

बबिना किराँतीको ‘मनको रैछौ पापी’ (भिडियो)

काठमाडौँ। चरी भए भुरुरु जान्थे उडेर ,ओइ भन्यो माया ले झ्यालबाट्, बेचिदिन्थे यो जवानी किन्ने कोही भइ दिए साथै गिनिज बुकमा नाम लेखाउन सफल गीत गोक्योरी लागाएत अन्य थुप्रै गीतमा स्वर दिई सकेकी भर्सटाइल गायिका बबिना किराँतीले हालै मात्र ‘मनको रैछौ पापी’ बोलको गीतको भिडियो आफ्नै युटुब बबिना किराँती अफिसियल च्यानल मार्फत सार्वजनिक गरेकी छन् ।

सार्वजनिक गीतमा शब्द रचना मिलनकिराँतीको रहेको छ भने संगीत तोरेम्पा हाङ र एरेन्ज राजु कार्कीको रहेको छ। खोटाङको बुइपामा जन्मिएकी गायिका किराँतीले नेपालका बिभिन्न शहरमा स्टेज प्रस्तुतीको साथै देश बाहिर कोरिया, मलेसिया,दुबइको बिभिन्न शहरहरुमा समेत आफ्नो प्रस्तुती दिइ सकेकी छन् ।