Breaking News
पोल्याण्डको सुन्दर शहर रोस्लाभमा ‘शुभ दिपावली विशेष कार्यक्रम २०८०’ हुँदै

काठमाडौँ। चाडबाड बिसेष पारेर नेपाली सांस्कृतिक कार्यक्रम विदेशमा हुने लहर नै चलेको छ। यसै क्रममा पोल्याण्डको सुन्दर शहर रोस्लाभमा यहि नोभेम्भर १२ तारिखमा पहिलो पटक नेपाली सांस्कृतिक कार्यक्रम हुने भएको छ। दिपावलीको अवसरमा लक्ष्मी पुजाको दिन ‘शुभ दिपावली विशेष कार्यक्रम २०८०’ हुन लागेको हो। कार्यक्रम प्रवासी नेपाली मंच पोल्याण्डले आयोजना गरेको हो। कार्यक्रममा लोकप्रिय गायिका शर्मिला बर्देवा,लोक गायक रबिन लामिछाने,गायक सन्तोष अधिकारीको साथमा लोकप्रिय संचारकर्मी नरेश भट्टराईको सहभागिता रहनेछ।

कार्यक्रममा गायक गायिकाले आफ्ना लोकप्रिय गीत मार्फत उपस्थित दर्शकलाई मनोरंजन दिनेछन्। कार्यक्रमका आयोजक प्रवासी नेपाली मंच पोल्याण्डका अध्यक्ष इश्वर देवकोटाका अनुसार कार्यक्रममा निशुल्क प्रवेश रहनेछ। नेपाली चाडबाडको अवसरमा रोस्लाभमा पहिलो पटक हुन लागेको कार्यक्रममा नेपाली एक हौं भन्ने संदेश बिस्वसामु पुर्याउनुका साथै आपसी सदभाव बढाउने उदेश्य रहेको छ। थोरै नेपालीको बसोबास रहेको शहर रोस्लाभमा भएका नेपालीहरुलाई एकजुट बनाउने साथै तिहार मनाउने कार्यक्रमलाई सभ्य र भब्य बनाउनको लागी पोल्याण्डमा लामो समय देखि बस्दै आएका लक्ष्मण घिमिरेले बिसेष सहयोग गरेका छन्।

कार्यक्रम ब्यबसायिक नभई सामाजिक रुपमा आयोजना गर्न लागिएको आयोजकले बताए। प्रवासी नेपाली मंच पोल्याण्डका अध्यक्ष इश्वर देवकोटा बिगत आठ बर्ष देखि पोल्याण्डमा रही नमस्ते नेपाल रेस्टुरेन्ट र नमस्ते गोरखा रेस्टुरेन्ट संचालन गरि रहेका छन्। देवकोटा ब्यबसाय संगै बिभिन्न सामाजीक कार्यमा पनि सक्रिय रहँदै आएका छन्।

‘महाजात्रा’ को शुभमुहूर्त संगै छायाँकन सुरु

काठमाडौं। निर्देशक प्रदीप भट्टराईको निर्देशनमा निर्माण हुने चलचित्र ‘जात्रा’को तेस्रो श्रृंखला ‘महाजात्रा’को बुधबार शोभा भगवतीस्थित विजयश्वरी मन्दिरमा पूजा गर्दै शुभमुहूर्त र छायांकन सुरु गरिएको छ । निमार्ण कम्पनी षट्कोण आर्ट्सले ‘महाजात्रा’को छायांकन बुढानीलकण्ठमा निर्माण गरिएको भव्य सेटबाट सुरु भएको जानकारी दिएको हो ।

पहिलो दिन अभिनेता विपिन कार्कीका दृश्य खिच्ने तयारी छ । ४५ दिनको छायांकन सेड्युल तय गरिएको चलचित्रलाई काठमाडौं र जनकपुरमा खिचिनेछ । ‘महाजात्रा’ बटमलाइनको रुपमा ‘सत्य लुक्दैन, झुटो टिक्दैन’ राखिएको छ । निर्देशक प्रदीप भट्टराईले यो चलचित्रमा बहुघटनाको कथावस्तु चित्रण हुने बताए । ‘एउटा घटनाको ‘जात्रा’ थियो । दुई टिमको घटनामा ‘जात्रैजात्रा’ बन्यो । त्यो हिसाबले ‘महाजात्रा’ धेरै घटनाको कथावस्तु हो,’ उनले भने ।

शुभमुहूर्त अवसरमा मिडियासँग कुरा गर्दै अभिनेता हरिवंश आचार्य र विपिन कार्कीले उत्साह व्यक्त गरे । हरिवंश क्यारेक्टर लुक्समै पत्नीसहित उपस्थित थिए । चलचित्रमा हरिवंश र विपिनका अलवा रविन्द्रसिंह बानियाँ, रविन्द्र झा र वर्षा राउत, अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्काको अभिनय रहनेछ ।

आगामी चैत ९ गते प्रदर्शन तयारीमा रहेको चलचित्रको निर्मातामा म्याक्स दीपेश खत्री छन् । चलचित्रको एसोसियट निर्देशकमा जित बहादुर रुवाली, छायांकनमा पुरुषोत्तम प्रधान, द्धन्द्व निर्देशनमा कुमार महर्जन, नृत्य निर्देशनमा कविराज गहतराज, संगीत आशिष अविरलको रहनेछ।

‘परदेशी २’को गीत ‘न भुल्नु ए साथी’ सार्वजनिक

काठमाडौँ। सफलतापूर्वक प्रदर्शनरत चलचित्र ‘परदेशी २’को गीत ‘न भुल्नु ए साथी’ सार्वजनिक गरिएको छ । सार्वजनिक गीतमा मनोज खड्का, प्रविण बेडवाल, शान्ति श्री परियार र दीपा स्वाङको स्वर, नारायण रायमाझीको संगीत तथा लाल गोपाल सुवेदी र नारायण रायमाझीको शब्द रहेको छ ।

गीतको भिडियोमा केकी अधिकारी, प्रकाश सपुत लगायत फिचर्ड छन् । गीतमा परिच्छेद सेनको कोरियोग्राफी छ । चलचित्रमा प्रकाश सपुत, दिलीप रायमाझी, प्रशान्त तामाङ, केकी अधिकारी, वर्षा शिवाकोटी, नीर शाह, रमा थपलिया, सबिन बास्तोला र देवेन्द्र बब्लु लगायतका कलाकारको अभिनय छ ।

उज्ज्वल भविष्यको सपनासहित बिदेसिन बाध्य युवाको कथामा निर्माण भएको चलचित्र नारायण इन्टरनेसनलको प्रस्तुतिमा बनेको हो। चलचित्रका निर्माता राजेश बंशल हुन्। चलचित्रमा अष्ट महर्जनको द्वन्द्व, रामजी लामिछाने र गोविन्द राईको कोरियोग्राफी, दीर्घ खड्काको सम्पादन, मानकृष्ण महर्जनको छायांकन, राजेन्द्र मोक्तानको कलर, रमेश बिजीको कथा र पटकथा छ ।

https://www.youtube.com/watch?v=rZGwuc6onaw