Breaking News
‘ब्ल्याक छायाँ’ को पहिलो गीत सार्वजनिक (भिडियो)

काठमाडौं । लंका फिल्मस् प्रा.लि.को ब्यानरमा खड्ग लामा मोक्तान प्रस्तुतकर्ता रहेको चलचित्र ‘ब्ल्याक छायाँ’ को गीत सार्वजनिक गरिएको छ । चलचित्रमा समावेश गरिएको ‘पचासको नोट, बाजेको कोट’ बोलको गीतमा भिडियो सार्वजनिक गरिएको हो ।

पछिल्लो समय थोरै कलाकार राखेर चलचित्रको निर्माण सकाउने होडलाई चुनौती दिँदै यस चलचित्रमा स्थापित कलाकारहरुको भीड नै जम्मा गरिएको छ । चलचित्रमा निर शाह, सुनिल थापा, सलोन बस्नेत, रुविना थापा, रविन्द्र झा, जाहन्वी बस्नेत, बुद्धि तामाङ, राजेन्द्र खड्गी, आर. एल. लामा मोक्तान, शारदा गिरी ‘काली बुढी’, शोभित बस्नेत, सुस्मा कार्की, निमा दोर्जे मोक्तान र धिरेन शाक्यले अभिनय गरेका छन् ।

यस चलचित्रको निर्मातामा रेल्लुमाया तामाङ, बिना दुरुङ च्याङ मगर (मैना) र आर. सोनाम मोक्तान रहेका छन् भने श्याम बहादुर मोक्तान कार्यकारी निर्माता रहेका छन् । चलचित्रको छायाँकन सञ्चु थोकर लामाले गरेका छन् भने सम्पादन गौतमराज खड्काले गरेका छन् । त्यस्तै, भिएफएक्स र कलर समिर मियाँ, गीत तथा संगीत राजेन्द्र बजगाईं तथा युवराज कँडेल र मिना निरौलाको स्वर रहेको छ । चलचित्रको कथा, पटकथा, संवाद र निर्देशन आर.एल.लामा मोक्तानले गरेका छन् ।

चलचित्र ‘चित्रा’ को पहिलो गीत सार्वजनिक

काठमाडौँ। चलचित्र ‘चित्रा’को पहिलो गीत ‘नजरैको हाना हान’ सार्वजनिक गरिएको छ । नेपालीहरुको महान चाड तिहारलाई मध्यनजर गर्दै सार्वजनिक गरिएको रोमान्टिक र डान्सिङ भावको गीतमा राजनराज सिवाकोटी र मिलन नेवारको स्वर छ । गीतमा सिवाकोटीकै शब्द तथा संगीत छ ।

सन्तोष अधिकारी फिल्मस्को ब्यानर एबम् अस्याप इन्टरटेनमेन्ट नेपाल र अस्ट्रेलियाको सहकार्यमा निर्माण भएको चलचित्र ‘चित्रा’ को सार्वजनिक गीतमा प्रवीण सिंहको कोरियोग्राफी रहेकोे छ । यो गीतमा फिल्मका मुख्य कलाकारहरु सन्तोष अधिकारी र शुभेच्छा खड्कालाई फिचरिङ गरिएको छ ।

घनश्याम लामिछाने निर्देशित ‘चित्रा’ले बाबु र छोरीको कथालाई सूक्ष्म रुपमा उठान गरेको छ । चलचित्र माघे सङ्क्रान्तिको छेकोमा पौषको २७ गतेबाट नेपाल र अष्ट्रेलीयामा रिलिज गरिने छ ।

चलचित्रमा सन्तोष र शुभेच्छाका साथै मेनुका प्रधान, प्रमोद अग्रहरी, अर्पण थापा, अन्जना बराइली, सिम्रन खड्का, आयुशी ढकाल, विनोद पौडेल, कपिल शर्मा, कुमार गुरुङ, उज्ज्वल ढकाल, दीपेश गजुरेल र प्रकाश घिमिरे लगायतका कलाकारको अभिनय छ ।

आशिष थापा मगर निर्माता र सन्तोष अधिकारी कार्यकारी निर्माता रहेको ‘चित्रा’ मा अजय अधिकारीको कथा, मनिष गौतमको पटकथा छ । साथै तारानाथ न्यौपाने मुख्य सहायक निर्देशक रहेको फिल्ममा सम्राट बस्नेतको द्धन्द्ध निर्देशन, महेश पौडेलको छायांकन छ ।