Breaking News
दुबईबाट गायक सुजनको ‘भन्नु पो नभाको’ सार्वजनिक (भिडियो)

काठमाडौँ। गायक सुजन विश्वकर्माको स्वरमा रहेको ‘भन्नु पो नभाको’ बोलको गीत भिडियो सहित सार्वजनिक गरिएको छ । गायक सुजन विश्वकर्माको आफ्नै शब्द र संगितमा नयाँ गितको म्युजिक भिडियो सार्वजनिक गरेका हुन् । भिडियोमा गायक सुजनले स्वयंम अभियन गरेका छन् ।

भिडियोमा गायक सुजनका अलावा इशा परियार,मालती लकान्दरी, प्रमेश लोहोनी, श्याम कुमार लोहनी, भिक्टर सिंह, सुनिता सिंह, खुशी लगायतको अभिनय रहेको छ । पंकज शंकरको कोरियोग्राफि रहेको भिडियोलाई प्रकाश बराइलीले सम्पादन तथा छायांकन गरेका हुन् । दुबईमा सुटिङ गरिएको भिडियोको निर्देशन प्रकाश बराइलीले गरेका छन्।

तेस्रो विमेन्स फिल्म फेष्टिभल मङ्सिर ९ गते हुँदै

काठमाडौँ । तेस्रो आइवाट नेपाल विमेन्स फिल्म फेष्टिभल आयोजना हुने भएको छ । रेडियो तथा टेलिभिजनमा आबद्ध महिला पत्रकारहरुको छाता संगठन ‘इन्टरनेशनल एशोसियसन अफ विमेन इन रेडियो एण्ड टेलिभिजन’ले यही मंसिर ९ गते काठमाडौमा उक्त फेष्टिभल आयोजना गर्न लागेको हो । आयोजकले आइतबार राजधानीमा एक कार्यक्रम गर्दै फेष्टिभलको विभिन्न पक्षबारे जानकारी दिएको हो ।

चलचित्र विकास बोर्डमा मङ्सिर ९ गते हुने आयोजना हुने फेष्टिभलमा नेपाल लगायत करिब दर्जनभन्दा बढी मुलुकका महिला निर्देशकले बनाएका २८ चलचित्र सहभागी छन् । ती चलचित्रमध्ये उत्कृष्ट केही प्रदर्शन समेत हुनेछ । प्रदर्शन हुने फिल्ममा ट्युनेसिया, भारत, बंगलादेश, नर्वे, फ्रान्स लगायतका रहेका छन् ।

कार्यक्रममा विदेशी चलचित्र मात्र होइन चलचित्रका महिला मेकरले समेत भाग लिने जानकारी दियो । फेष्टिभलमा विदेशी महिला निर्देशक र नेपाली महिला निर्देशकबिच निर्देशक अनुभव पनि साटासाट हुने फेष्टिभलकी निर्देशक संगीता श्रेष्ठ बताइन् । ‘फेष्टिभलमा सहभागी उत्कृष्ट फिल्म तथा फिल्म मेकरलाई अवार्ड समेत प्रदान गरिनेछ’ उनले थपिन् ।

महिला निर्देशकले बनाएको फिल्मलाई प्रवर्द्धन गर्ने र महिला निर्देशकलाई प्रोत्साहन र सम्मान गर्ने उद्देश्यले २०१७ मा पहिलो पटक यो फेष्टिभल आयोजना भएको थियो । उक्त समय दर्शक तथा फिल्म मेकरले फेष्टिभलमा राम्रो साथ दिएको कारण यसले निरन्तरता पाएको हो । ‘इन्टरनेशनल एशोसियसन अफ विमेन इन रेडियो एण्ड टेलिभिजन’को स्थापना सन् १९५७ मा भएको हो । ८ फरक राष्ट्रका प्रतिनिधिहरुबाट सुरु भएको यो एशोसियसनमा अहिले ५४ देशका प्रतिनिधिको सहभागिता रहेको छ ।

मुइयाँ र बान्द्रेको टेलीचलचित्र ‘मुइयाँ मुईसाप’ सार्वजनिक (भिडियो)

काठमाडौँ। पछिल्लो समय नेपाली टेली चलचित्रहरु बन्ने क्रम बढेको छ। केहि बर्ष पहिले टेलिभिजनको पर्दामा समय कुरेर सिरियल हेर्नु पर्ने बाध्यता थियो। अहिले प्रत्येक दिन नै नयाँ नयाँ सिरियल यु ट्युबमा सार्वजनिक हुने गरेका छन्। सुरेश थापाको कथा तथा निर्देशनमा बनेको नयाँ टेली चलचित्र ‘मुइयाँ मुईसाप’ यु ट्युबमा दोश्रो भाग सार्वजनिक भएको छ। टेली चलचित्र ‘मेरी बास्सै’ बाट मुइयाँ र बान्द्रेको नामले परिचित सुनिता गौतम र सुरज चापागाईंको मुख्य भूमिका रहेको छ। सुनिता र सुरजको साथमा सुरेश थापा,रक्षा गुरागाईं,गणेश अछामी,बिष्णु दुलाल,दिनेश दर्जी,लक्ष्मी थापा,देव नारायण भण्डारी,हुमा देवी भण्डारी,चेतन दंगाल र नमस्ते दिवाकरको अभिनय रहेको छ।

प्रवेश पोखरेलको छायाँकन,राजेन्द्र मानन्धरको सम्पादन र बिनय कार्कीको पार्श्व संगीत रहेको छ। टेलिचलचित्रको निर्माण सुनिता गौतमले गरेकी हुन्। टेली चलचित्र मिस्टर मुइयाँ नामक यु ट्युब च्यानल बाट प्रत्येक शुक्रवार साँझ ७ बजे सार्वजनिक हुने गर्दछ।

‘मिस्टर ग्लोबल’ मा सहभागी हुन थाइल्यान्ड उडे मिस्टर नेपाल कार्की

काठमाडौँ । ‘मिस्टर नेपाल’ विजेता समर्पण जङ्ग कार्की थाइल्यान्ड उडेका छन् । थाइल्यान्डमा आयोजना हुने अन्तर्राष्ट्रिय सौन्दर्य प्रतियोगिता ‘मिस्टर ग्लोबल २०२३’मा नेपालको प्रतिनिधित्व गर्न उनी शुक्रबार साँझ त्यसतर्फ उडेका हुन् ।

प्रतियोगिताको फाइनल २६ नोभेम्बरमा हुँदैछ । कार्की नेपाली कलासंस्कृति सहित प्रतियोगितामा सहभागी हुन लागेको हुन् । प्रतियोगीताका लागि उनको फेसन ज्वालाराज पोखरेलले तयार गरेका छन् ।

थाइल्यान्ड उड्नु अगाडि एयरपोर्टमा सञ्चारकर्मीसँग कुरा गर्दै कार्कीले यो पटक प्रतियोगिताको ताज नेपाल भित्र्याउने लक्ष्य सहित आफू सहभागी हुन लागेको बताए ।

२०२३’को उपाधि जितेका थिए । उक्त उपाधि सहित उनले प्रतियोगितामा सहभागी अवसर प्राप्त गरेका हुन् । पेशाले पाइलट कार्कीलाई प्रतियोगितामा नेक्स्ट मोडल्स नेपालले पठाएको हो ।