Breaking News
‘साथीभाइ भएर जम्मा देउसी भैली’ गीत सार्वजनिक

काठमाडौं, २४ कात्तिक । लोकप्रिय गायक तथा सर्जक रमेश पाठक र बिनोद बि.सीको साथीभाइ भएर जम्मा देउसी भैली गीत सार्वजनिक भएको छ । यस गीतमा शब्द, संगीत, रमेश पाठक, बिनोद बि।सीकै रहेको छ भने स्वर पनि रमेश पाठक बिनोद बि.सी. र बेनीसा पौडेलको रहेको छ । यस गीतको छाँयाकन तथा सम्पादन ओम प्रसाइँले गरेका छन् ।

टेक लामाले निर्देशन गरेको योे गीतमा कृष्ण रसाल, शिला गजुरेल, रीता सानु,रिहान शंखर लगाएतका कलाकारहरुले अभिनय गरेका छन् । बद्लिदो परिस्थिती र अनेकौं नयाँ परम्परा भित्रिदै गर्दा आधुनिक जमानाको परिवेशलाई चिर्दै आफ्नो रीती रिवाज र परम्परा बचाउने उदेश्यले यो गीत रचना भएको छ । गीतको मिक्सिङ÷मास्टरीङ नरेन्द्र वियोगीको रहेको छ भने रेकर्ड वेभ स्टुडियो अनामनगरमा भएको हो । गीतको भिडियो रमेश पाठक आधिकारिक युटुब च्यानलबाट डिजिटल बजारमा आएको छ ।
यस अघि रमेश पाठकको मायााकै पिर, सातै सुरमा ,तिम्रै झल्को रातदिन ,दशै आयो मनै रमायो,हैरानै गरायौंनि,लगाएतका गीत सार्वजकि भैसकेका छन् । साथै, बिनोद बि.सीको गुलाबको फुल, पच्पन्न झ्याले दरबार, लाको हैन गफ, ब्वाइफ्रेन्ड चाहियो मलाइ ,मायाको पछ्यौरी लगाएतका गीत सिर्जना भैसकेका छन् ।

‘दिमाग खराब’ को प्रिमियरमा पुगे रविदेखि बालेनसम्म,गरे सबैले खुलेर तारिफ

काठमाडौं,२४ कार्तिक । नेपाली हरुको दोस्रो ठूलो चाड तिहारको सम्मुख पारेर आज शुक्रबारबाट हलमा निश्चल बस्नेत निर्देशित चलचित्र ‘दिमाग खराब’ प्रदर्शनमा आएको छ ।

‘लुट’बाट निर्देशनमा वाहवाही कमाएका निश्चलले ६ वर्षपछि कमब्याक गरेको चलचित्र ‘दिमाग खराब’को रिलिजको पूर्वसन्ध्यामा चलचित्रको काठमाडौंमा भव्य प्रिमियर गरिएको छ । प्रिमियर सोमा उपसभामुख इन्दिरा रानामगरदेखि रास्वपाका सभापति रवि लामिछाने तथा काठमाडौं महानगरपालिका मेयर बालेन शाहसमेत पुगेका थिए ।

प्रिमियरमा रवि र बालेनका अतिरिक्त चलचित्र विकास बोर्डकी पूर्व अध्यक्ष निकिता पौडेल, रास्वपाका सांसदहरु डोलप्रसाद अर्याल, सोविता गौतम, विन्दा कडायतका साथै नेपाली राष्ट्रिय क्रिकेट टिमका कप्तान रोहितकुमार पौडेल, क्रिकेटरद्धय सोमपाल कामी र कुशल भूर्तेलसमेत पुगेका थिए ।

प्रिमियरमा उपस्थित भएका अधिकांश राजनीतिज्ञदेखि कलाकारसम्मले चलचित्रको खुलेर प्रशंसा गरेका थिए । प्रिमियरमा प्रायःले चलचित्रले उठान गरेको कथावस्तुको प्रशंसामा शब्द खर्चिए । चलचित्र राम्रो बनेको अधिकांशको प्रतिक्रिया थियो ।

वरिष्ठ कलाकार हरिवंश आचार्यले निश्चल बस्नेतले देशकै लागि चलचित्र बनाएको भन्दै प्रशंसा गरे । उनले भने, ‘अहिले देशमा चरम निराशा र जनतालाई पीर परेको एउटै कारण छ, भ्रष्टाचार । भ्रष्टाचारलाई निर्मुल पार्नुपर्छ र भ्रष्टचारीलाई सत्तामा बस्न दिनु हुन्न भन्ने मूल मन्त्र आगामी चुनावमा लागू होस् । यो चलचित्र निर्देशक र लेखकले देशकै लागि बनाउनुभएको हो । सबै दृष्टिकोणले राम्रो छ ।’

रास्वपाका सभापति तथा पूर्व उपप्रधान तथा गृहमन्त्री रवि लामिछानेले चलचित्र हेर्नैपर्ने बनेको दाबी गरे । ‘चलचित्र हेर्न लायक मात्र होइन, हेर्नैपर्ने छ । यसरी नै चलचित्र, संगीत, सर्ट चलचित्रबाट मुलुकको अवस्था चित्रण गरेर परिवर्तन ल्याउन सकिन्छ । कसैले हेर्न छुटाउन नहुने चलचित्र हो । र, कोही नछुटोस्,’ उनले भने । चलचित्रले उठाएको कथावस्तुका कारण आफू प्रचारमा हिँड्न पनि तयार रहेको उनले बताए ।

‘समाजको आवश्यकतालाई चलचित्रले सधैं प्रतिनिधित्व गरेको हुन्छ । बेला बखतमा यस्ता चलचित्रले समाजमा परिवर्तन ल्याउन ठूलो भूमिका खेल्छ । ‘बलिदान’कै कुरा गर्नुस् या अहिले यो चलचित्र,’ उनले अगाडि भने, ‘मैले अहिलेसम्म कुनै चलचित्रलाई हेर्नैपर्छ भनेको छैन । यो चलचित्र चाहिँ हेर्नैपर्छ भन्छु । सबैले हेर्नुपर्छ । यो चलचित्रको प्रचारका लागि मलाई बोलाउनु हुन्छ भने पनि जान तयार छु ।’

राष्ट्रिय क्रिकेट टिमका क्याप्टेन रोहित पौडेलले चलचित्रले दिएको सन्देश मन परेको धारणा राखे । धेरैपछि नेपाली चलचित्र हेर्न पुगेका उनले भने ‘चलचित्र रमाइलो लाग्यो । राम्रो बनेको छ । सन्देश राम्रो दिएको छ । अभिनय पनि सबै कलाकारको एकदमै राम्रो छ । मलाई दयाहाङ राई र अर्पण थापा दाईको अभिनय मनपर्‍यो ।’ पौडेलले आफू दयाहाङ राईको ठूलो ‘फ्यान’ रहेको समेत बताए ।

क्रिकेटर कुशल भुर्तेललाई पनि चलचित्रले दिएको सन्देश मन परेको छ । अर्का क्रिकेटर सोमपाल कामीले चलचित्रमा निश्चल बस्नेतको इन्ट्री बबाल लागेको सुनाए । ‘मलाई निश्चल दाईको इन्ट्री बबाल लाग्यो । म ठूलो फ्यान हुँ । चलचित्रको कथा राम्रो छ । हामीजस्तो युवाले धेरै कुरा सिक्न पाउँछौं । जसरी हामी १० वर्षपछि विश्वकप पुथ्यौं, त्यसरी नै चलचित्रले पनि सफलता प्राप्त गरोस्,’ उनले भने ।

प्रतिनिधि सभाको उपसभामुख इन्दिरा राना मगरले चलचित्र समसामयिक विषयमा बनेको बताउँदै राम्रो सन्देश पनि दिएको बताइन् । अभिनेत्री प्रकृति श्रेष्ठले चलचित्र हेर्नुपर्ने बनेको र धेरैपछि राम्रो चलचित्र हेर्न पाएकोमा खुसी व्यक्त गरिन् । त्यसैगरि, अर्की अभिनेत्री शिल्पा मास्केले चलचित्र राम्रो बनेको बताउँदै सन्देशमुलक पनि रहेको धारणा राखिन् । चलचित्रले ‘बोर’ हुन नदिने उनको दाबी छ ।

प्रिमियरमा मिलेको सकारात्मक प्रतिक्रियाले उत्साहित देखिएकी अभिनेत्री स्वस्तिमा खड्का यसपटक आफू निश्चलका लागि ‘नर्भस’ रहेको बताइन् । ‘निश्चलले इमानदारिताका साथ कथा भनोस् भन्ने थियो । र, धमाका पनि होस् भन्ने छ । किनकि, ऊप्रति मानिसको विश्वास छ । म चलचित्र रिलिजको बेला धेरै तनाब नै लिन्नँ । तर, यसपटक म निश्चलका लागि एकदमै ‘नर्भस’ छु,’ उनले भनेकी छन् ।

निश्चलले भने आफूभित्र वर्षौंदेखि गुम्सिएको चीज र देखेकारभोगेका कुरालाई जोडेर कथा बनाएको बताए । उनले भने, ‘मैले एउटा इमानदार कथा भन्ने प्रयास गरेको हुँ । त्यो भन्दै गर्दा चलचित्रले मनोरञ्जन पनि दिनुपर्छ । मनोरञ्जन दिएर आफ्नो उकुसमुकुस पोख्न सकिन्छ भने प्रयास गर्छु भने चलचित्र बनाएको हुँ ।’ अबको जस्तो निर्देशनमा फर्किन धेरै समय नलगाउने पनि निश्चलको भनाई छ ।

भारतीय गीतकार समीरलाई काठमाडौँमा अभिनन्दन गरिने

काठमाडौँ, २३ कात्तिक । प्रसिद्ध भारतीय गीतकार समीर अञ्जानलाई काठमाडौँमा अभिनन्दन गरिने भएको छ । बलिउडमा निर्माण भएका सबैभन्दा धेरै चलचित्रमा गीत लेखेका उनले ‘गिनिज बुक अफ वल्र्ड रेकर्ड’ मा नाम लेखाइसकेका छन् । उनले छ सय ५० भन्दा बढी चलचित्रका लागि चार हजारभन्दा बढी गीत लेखेर रेकर्डमा नाम दर्ता गरेका थिए ।

गीतकार समीरले सन् १९८३ देखि गीत रचना सुरु गरेका हुन् । उनले भारतमा निर्मित विभिन्न भाषाका चलचित्रका लागि गीत रचना गरिसकेका छन् । उनले लेखेका गीतहरू हिन्दी चलचित्रका नेपाली पारखीमाझ पनि निकै लोकप्रिय छन् ।

उनलाई आगामी मङ्सिर २ गते काठमाडौँमा लुनकरणदास गंगादेवी चौधरी साहित्यकला मन्दिर र गीतकार सङ्घ नेपालको सङ्युक्त आयोजनामा ‘समिर अभिनन्दन’ गर्न लागिएको हो । साहित्यकला मन्दिरका अध्यक्ष मेघा चौधरीले प्रसिद्ध गीतकार समीरलाई सम्मान गर्न पाउनु खुसीको कुरा भएको बताए ।

गीतकार समीरले रचना गरेका ‘परदेशी परदेशी’, ‘तुम पास आए’, ‘मेरा दिल भी कितना पागल हे’, ‘कभी खुसी कभी गम’, ‘मुझे निन्द ना आए’, ‘तुम दिलकी धडकन मे’ लगायतका गीत लोकप्रिय छन् । यी गीत नेपालमा पनि अधिक रूचाइने हिन्दी गीतमा पर्छन् । रासस